ГАДААД ХАРИЛЦААНЫ САЙД НАР ЗАХИДАЛ СОЛИЛЦОВ


 

 

 

 

 

 

Ирэх 2018 онд хоёр орны хооронд дипломат харилцаа тогтоосны 55 жилийн ой тохиож байгааг тохиолдуулан Монгол Улсын Гадаад харилцааны сайд, ИБУИНВ-ын Гадаад хэрэг, хамтын нөхөрлөлийн сайд нар харилцан баяр хүргэсэн захидал солилцож хоёр улсын харилцаа, хамтын ажиллагааг улам бэхжүүлэх эрмэлзэл дүүрэн байгаагаа илэрхийлэв.

Сайд нар хоёр талын найрсаг харилцааны өнөөгийн түвшинд сэтгэл ханамжтай байгааг дурдаад цаашид олон салбарт, тухайлбал худалдаа, эдийн засгийн чиглэлд хамтын ажиллагаагаа өргөжүүлэн хөгжүүлэх боломж, бололцоо байгааг тэмдэглэв. Мөн тэрчлэн хоёр тал олон талт хамтын ажиллагааны чиглэлээр амжилттай хамтран ажиллаж байгааг цохон тэмдэглэв.

 

 

 

 

ЛОНДОН ХОТНОО ГЭРЭЛ ЗУРГИЙН ҮЗЭСГЭЛЭН ЗОХИОН БАЙГУУЛАГДАВ

Монгол бахархлын өдрийн хүрээнд Монгол Улсаас ИБУИНВУ-д суугаа ЭСЯ, Mongolian Community Organization хамтран <<Миний эх орон>> сэдэвтэй, Монголчуудын түүхэн ба өнөө цагийн ахуй, соёлыг харуулсан гэрэл зургийн үзэсгэлэнг Монголчууддаа зориулан 2017 оны 11 сарын 18-20-ны өдрүүдэд John Keys Resource Centre-д байгууллаа.

Үзэсгэлэнг ЭСЯ-ны зөвлөх Л.Отгонбаяр нээж үг хэлэв. Мөн Британид амьдарч байгаа Монгол хүүхдүүдийг төлөөлөн Holland Park дунд сургуулийн сурагч О.Содмандах АУЗ Д.Пүрэвдоржийн <<Тусгаар тогтнол>> шүлгээс уншиж сонирхуулав. Үзэсгэлэнд тавигдсан зургууд нь ЭСЯ-ны фондод хадгалагдаж байсан, хувь хүмүүсээс дурсгасан, Элчин сайд С.Баярын хувийн цуглуулгын хэсгээс тус тус бүрдсэн юм.

БРИТАНИД ШИНЭЭР ИРСЭН ОЮУТНУУДАД ЗОРИУЛСАН ЗӨВЛӨМЖ

 

 

 

 

 

 

 

 

 

 

Юуны өмнө ИБУИНВУ-д суралцахаар хүрэлцэн ирсэн оюутнууд та бүхэнд хичээлийн шинэ жилийн мэндийг хүргэж, сурлагын өндөр амжилтыг хүсэн ерөөе.

Та бүхний аюулгүй байдал, эрүүл мэнд, хичээл сурлагад тань хамааралтай доорх зөвлөмжүүдийг хүргэж байгааг цаг гарган уншина уу.

  1. Энд ирээд таны хамгийн түрүүнд хийх ёстой зүйл бол сургуульдаа бүртгүүлж оюутны үнэмлэх (Student ID)-ээ авч, өөрт ойрхон Өрхийн эмнэлэг (GP)-дээ бүртгүүлэх явдал юм.
  2. Элчин сайдын яамандаа бүртгүүлэх. Яаралтай хэл дуулгах, ар гэрийн гачигдал, өөрөө өвдөх зэрэг амьдралд тохиолддог аливаа асуудал гарах үед та ЭСЯ-ндаа бүртгүүлсэн байх нь чухал юм. Бүртгүүлэхийн тулд дараах холбоос дээр дарж (http://embassyofmongolia.co.uk/?p=214&lang=mn) зохих бүртгэлийн маягтыг татан авч бөглөн ЭСЯ-ны otgonbayar@embassyofmongolia.co.uk хаягт илгээх.
  3.  Аливаа гэрээний нөхцөлийг урьдаас сайтар уншиж танилцаж байх. Байр түрээслэх, гар утас авах, фитнес клубын гишүүн болох гэх мэт бүх төрлийн үйлчилгээ авахад гэрээ байгуулах хэрэгтэй болдог. Энэ үед гэрээний бүх нөхцөлийг уншаагүйгээс хожим гэрээ цуцалж болохгүй нөхцөлийг зөвшөөрсөн байх, илүү их төлбөр, торгууль төлөх байдал орох нь түгээмэл тул гэрээний нөхцөлийг нэг бүрчлэн уншсаны үндсэн дээр сонголт хийх шаардлагатай.
  4. Хувийн бичиг баримтуудаа нягтлах. Та өөрийн Паспорт (Гадаад паспорт) -ын хүчинтэй хугацааг нягталж, дуусахаас нь өмнө Лондон дахь ЭСЯ-нд хандаж сунгуулах үүрэгтэй. Мөн виз, бусад бичиг баримтын хүчинтэй хугацааг нягталж байх нь таны өөрийн хариуцлага гэдгийг анхаарна уу.
  5. Хууль чанга. Гудамж талбайд хог, нус цэрээ хаях, бие засах зэрэг үйлдэл нь тус улсад эрүүгийн хэрэгт тооцогддог. Монгол улсын иргэн согтуурсан үедээ Лондон хотын нэгэн парк дахь модруу бие зассаны улмаас цагдаагийн байгууллагад баривчлагдаж, улмаар 2 жилийн хорих ялаар шийтгүүлсэн явдал 2017 онд гарсан. Олон нийтийн газар бусдыг удаан хугацаагаар ширтэх, бусдын биед хүрэх, бүдүүлэг харьцах, бусдыг арьс өнгө, гарал үүсэл, шашин болон итгэл үнэмшил, хүйсээр тохуурхах, доромжлох, ялгаварлах нь хуулийн хатуу ялтай байдгийг санууштай. Харилцаандаа ийм хандлага төдий гаргасан оюутан сургуулиасаа хөөгдсөн тохиолдол бий. Тус улс нь нийтийн эзэмшлийн зам талбайг бүрэн камержуулсан хяналтанд байлгадаг, үйлчилгээний газруудад дүрс, дууны бичлэг хийдэг. Гэмт хэрэг зөрчлөөс хэрхэн сэргийлэх, юуг гэмт хэрэг, зөрчил гэж тооцдог талаар талаар дэлгэрэнгүйг дараах холбоосоос уншина уу http://www.cps.gov.uk/legal/v_to_z/youth_offenders/.
  6. Бичиг баримтаа хаях, алдах. Өнгөрөгч онд Монгол Улсаас ирсэн оюутнууд Паспорт, виз, оршин суух үнэмлэх – Biometric Residence Permits (BRPs) бичиг баримтаа гээх, хулгайд алдах явдал маш ихээр гарсан. Мөн монголчууд нутаг нэгтнүүдийнхээ бичиг баримтыг хулгайлах, улмаар түүнийгээ цааш нь худалдахаар завдсан тохиолдол удаа дараа гарсан. Харамсалтай нь бусдын бичиг баримтаар ажиллаж, амьдрах явдал тус улс дахь Монгол иргэдийн дунд түгээмэл байдаг. Та бичиг баримтаа хаясан, гээгдүүлдсэн, хулгайд алдсан тохиолдолд цаг алдалгүй ойролцоох цагдаагийн байгууллагадаа мэдэгдэж бүртгүүлэх, ийнхүү бүртгүүлсэн тухай тодорхойлолт нотолгоо авах шаардлагатай. Алга болсон BRP-ийг нөхөж авах тохиолдол дараах холбоост байгаа зааврын дагуу нөхөн авах: https://www.gov.uk/biometric-residence-permits/replace         
  7. UK giin Mongol Zar -д нэгдэх. Алба, амины олон асуудлаар мэдээлэл солилцдог Фейсбүүкийн хамгийн том зарын булан тул Британи дахь Монголчуудын холбоо, Элчин сайдын яамны үйл ажиллагааны зар мэдээг уг группээр дамжуулан хүргэдэг. Энэ группд нэгдээрэй.
  8.  Стрессээс зайлсхийх. Цаг агаарын ялгаатай байдлаас хамаарч Монголоос ирсэн оюутнууд стресст орох явдал гардаг. Иймд цаг агаарын мэдээ үзэж нартай үед заавал гарч салхилах, мөн найз нөхөдтэй болж цагийг хөгжилтэй өнгөрөөх, Монголчуудын дунд зохиогддог арга хэмжээнд оролцох, сайн дураар ажиллах зэргээр өөрийгөө аль болох завгүй байлгахыг хичээгээрэй.

МОНГОЛ УЛСЫН ЭЛЧИН САЙДЫН ЯАМ

БРИТАНИ ДАХЬ МОНГОЛЧУУДЫН ХОЛБОО ШАГНУУЛЛАА

ЮНЕСКО-ийн соёлын биет бус өвийн жагсаалтад бүртгэгдсэн “Монгол наадам”-ыг хилийн чанадад зохион байгуулж байгаагаар нь Монгол Улсын Гадаад харилцааны яам, Үндэсний их баяр наадмыг зохион байгуулах хороо хамтран гурав дахь жилдээ шалгарууллаа.

Эх орноо гадаадад сурталчлах, монгол соёл, уламжлалаа хадгалах, түгээн дэлгэрүүлэх үйлсэд үнэтэй хувь нэмэр оруулсаар байгаа Британи дахь Монголчуудын холбоо “Миний Монгол Наадам 2017” уралдаанд амжилттай оролцож хоёрдугаар байрт шалгаран Хүндэт өргөмжлөл , дарвөн сая төгрөгөөр шагнагдсан тухай сайхан мэдээг ГХЯ-ны Гадаад сурталчилгаа, соёлын харилцааны газраас хүлээн авлаа.

“Миний Монгол Наадам 2017” уралдаанд Герман дахь монголчуудын наадам шилдгээр, Британи дахь монголчуудын наадам хоёрдугаарт, Солонгос дахь монголуудын наадам гуравдугаарт тус тус шалгарчээ.

Энэ жилийн баяр наадмыг Лондонд амжилттай зохион байгуулсан Монголчуудын холбоо, зохион байгуулахад идэвх санаачилга гаргасан, хандив, дэмжлэг үзүүлсэн, сайн дурын багт ажилласан, урлаг соёл, нийтийн хоолоор үйлчилсэн болон наадамдаа оролцсон бүх хүмүүст талархал илэрхийлж, баяр хүргэн цаашид амжилтаа улам ахиулахын ерөөл өргөе.   

 

           Элчин сайдын Яам  

 

 

Хөнгөн атлетикийн дэлхийн аваргад манай марафончид

Лондон хотноо болж байгаа хөнгөн атлетикийн дэлхийн аварга шалгаруулах тэмцээний марафоны төрөлд Монгол улсын шигшээ баг тамирчид хүрэлцэн ирлээ. Монголын хөнгөн атлетикийн холбооны Ерөнхийлөгч, УИХ-ын гишүүн Л.Болд , Ерөнхий нарийн бичгийн дарга Ч.Зоригтбаатар тэргүүтэй төлөлөөгчид Олон улсын хөнгөн атлетикийн холбооны ээлжит хуралдаан, арга хэмжээнүүдэд баг тамирчдаа дэмжихээр хүрэлцэн ирээд байна. Монголоос ирсэн баг тамирчдаа идэвхитэй дэмжихийг Лондон дахь Монголчууддаа уриалж байна. /2017-08-05/

 

 

 

 

 

 Эрэгтэйчүүдийн уралдаанд 98 тамирчид оролцсоноос манай гүйгч Н.Мөнхбаяр 34, Ц.Бямбажав 46, Б.Сэр-Од 48 дугаарт, эмэгтэй марафоны уралдаанд нийт 92 тамирчид оролсоноос Хишигсүрэн 52, Мөнхзаяа 58 дугаарт гүйсэн нь бүгд өмнөх жилүүдийн амжилтаа ахиулсан үзүүлэлт болов. /2017-08-07/

Оксфордын Хертфорд Коллежийн Регбийн баг Монголд зочлов

Оксфордын Хертфорд Коллежийн регбийн баг Монголын Регбийн Холбоотой хамтын ажиллагаа хөгжүүлэх хүрээнд 2017 оны 7 дугаар сарын 20-ноос 8 дугаар сарын 1-ний өдрүүдэд Улаанбаатар хотноо хоёрдахь удаагаа айлчлан, нөхөрсөг тоглолтууд хийгээд ирлээ. Тэд “Улаанбаатарын Дайчид” багтай хоёр удаа нөхөрсөг тоглолт хийсэн байна.

Багийн тамирчид тэмцээнд оролцсон төдийгүй Монгол Улсын хөдөө нутагтай танилцаж, малчин айлд зочилсноос гадна нийгмийн халамжийн байгууллага болох хүүхдийн асрамжийн газрын үйл ажиллагаатай танилцсан байна. Хертфорд регбийн клубын Ерөнхийлөгч Жон Коллис Монгол Улс дахь Британийн ЭСЯ, Монголын Регбийн Холбооны зохион байгуулсан хүлээн авалт дээр үг хэлэхдээ энэхүү нөхөрсөг тэмцээн, амжилттай хэрэгжсэн айлчлалын бэлтгэл ажлыг хангахад туслалцаа дэмжлэг үзүүлсэн Монгол Улсаас ИБУИНВУ-д суугаа Онц бөгөөд бүрэн эрхт Элчин сайд С.Баярт талархал илэрхийлж байгаагаа онцлон тэмдэглэв.

MУГЖ Г.Ариунбаатар Би-Би-Си Кардифийн “Дэлхийн оны Шилдэг Дуучин” уралдааны дууны төрөлд тэргүүн байр эзэлж , шилдэг 5 дуучны нэгээр шалгарав

 

 

 

 

 

 

 

 

 

 

 

 

 

 

 

 

2017 оны 6 дугаар сарын 11-18-ны өдрүүдэд Уэйлсийн нийслэл Кардиф хотноо болсон Би-Би-Си Кардифийн “Дэлхийн оны шилдэг дуучин” уралдаанд МУГЖ Г.Ариунбаатар, ДБЭТ-ын гоцлол дуучин Б.Батжаргал нар амжилттай оролцлоо. Хоёр жил тутам зохион байгуулдаг тус уралдаанд оролцохоор 400 гаруй дуучид хүсэлтээ ирдлэхийлснээс шигшээ уралдаанд шалгарсан АНУ, ИБУИНВУ, Австрали, ОХУ, БНСУ-ын нийт 20 залуу дуучин оролцов. Тэдгээрээс дууны төрөлд МУГЖ Г.Ариунбаатар тэргүүн байрт шалгарсан бөгөөд тэрээр Ф.Шуберт, П.И.Чайковский, Г.Форе болон хөгжмийн зохиолч Б.Шаравын уран бүтээлээс дуулав. Г.Ариунбаатар шилдэг 5 дуучны нэгээр шалгарч үзэгчдийн таашаал хүртсэн дуучдын нэг байв.

2015 оны Би-Би-Си Кардифийн “Дэлхийн дуучин”  уралдаанд УДБЭТ-ын гоцлол дуучин Э.Амартүвшин оролцож үзэгчдийн дэмжлэг хүлээсэн дуучнаар шалгарсан билээ.

ХИЛИЙН ЧАНАДАД СУУГАА МОНГОЛЧУУД ЕРӨНХИЙЛӨГЧИЙН СОНГУУЛЬД САНАЛАА ӨГӨВ

Монгол Улсын Ерөнхийлөгчийн 2017 оны ээлжит сонгуулийн санал авах ажиллагааг ИБУИНВУ-ын Лондон хот дахь 17 дугаар салбар комиссын санал авах байранд 2017 оны 6 дугаар сарын 10, 11-ны өдрүүдэд орон нутгийн цагаар 07 цаг 00 минутаас 22 цаг 00 минутын хооронд тус тус зохион байгуулж дууслаа.
Санал авах ажиллагааг орон нутгийн цагаар 22 цаг 00 минутад дуусгахад тус салбар комисст бүртгүүлж сонгогчдын нэрсийн жагсаалтанд багтсан 140 сонгогчоос 112 сонгогч саналаа өгсөн нь нийт сонгогчдын 80 хувь болж байна.
Санал авах ажиллагаа бүхэлдээ хуулийн дагуу, хэвийн амжилттай явагдаж дууслаа.Сонгуульдаа оролцсон, сонгуулийн үйл ажиллагаанд дэмжлэг үзүүлж, зохион байгуулсан, иргэдэд мэдээлэл тараах үйл ажиллагаанд оролцсон бүх хүмүүст талархал илэрхийье.

МОНГОЛ УЛСЫН ЕРӨНХИЙЛӨГЧИЙН 2017 ОНЫ СОНГУУЛЬД САНАЛ ӨГӨХ ИРГЭДИЙГ 5 ДУГААР 01-НЭЭС 20-НЫ ӨДРҮҮДЭД ЭЛЧИН САЙДЫН ЯАМАНД БҮРТГЭНЭ  

  1. САНАЛ ӨГӨХ ӨДРҮҮД

ИБУИНВУ, Ирланд, Исланд улсад байгаа сонгуулийн эрх бүхий иргэд Монгол Улсын Ерөнхийлөгчийн 2017 оны сонгуульд дараах хоёр өдрийн аль нэгэнд Лондон дахь Элчин сайдын яамны байранд ирж санал өгнө:

  • 2017 оны 6 дугаар сарын 10-ны өдрийн Бямба гарагт 07:00- 22:00 цагт
  • 2017 оны 6 дугаар сарын 11-ний өдрийн Ням гарагт 07:00- 22:00 цагт
  1. СОНГОГЧ БА ТҮҮНИЙ НАС
  • Монгол Улсын иргэний гадаад паспорттай иргэн сонгуульд санал өгөх эрхтэй.
  • Санал өгөгч нь 18 нас хүрсэн буюу 1999 оны 6 сарын 10-ний өдөр, эсхүл түүнээс өмнө төрсөн Монгол улсын иргэн байна.
  1. СОНГОГЧИЙГ БҮРТГЭХ ӨДРҮҮД
  • Сонгогч нь 2017 оны 5 дугаар сарын 01-ний Даваа гарагаас 5 дугаар сарын 20-ний өдрийн Бямба гараг хүртэлх 20 хоногийн хугацаанд багтаж Лондон дахь ЭСЯ-ны дэргэдэх Сонгуулийн салбар Комисст заавал урьдчилан бүртгүүлсэн байна.
  • Сонгогч нь Монгол Улсын иргэний шинэчилсэн бүртгэлд заавал хамрагдсан байна.
  1. СОНГОГЧООР БҮРТГҮҮЛЭХ  
  • Сонгогч бүртгүүлэхдээ ЭСЯ-ны дэргэдэх Сонгуулийн салбар Комисст Монгол Улсын иргэний гадаад паспортын фото зураг бүхий нүүрний хуудсыг хуулбарлан, Монгол Улсын хилээр хамгийн сүүлд гарсан он, сар, өдрийг тэмдэглэсэн хуудасны хуулбар , зохих асуултад бүрэн хариулсан бүртгэлийн маягтыг биеэр авч ирэх, эсхүл:
  • – Шуудангаар Embassy of Mongolia, 8 Kensington Court, London , W8 5DL хаягаар хүлээн авагч гарын үсэг зурж баталгаажуулах нөхцлөөр илгээх,
  • – ЭСЯ-ны 020 7937 1117 тоот факсаар илгээх,
  • – ЭСЯ-ны secretary@embassyofmongolia.co.uk цахим шуудангийн хаягаар илгээх.
  • ЭСЯ-ны дэргэдэх Сонгуулийн салбар Комисс дараах өдөр, цагийн хуваариар ажиллана:
  • 2017 оны 5 дугаар сарын 01-ний Даваа гарагаас 5 дугаар сарын 20-ний өдрийн Бямба гарагт өдөр бүр ( Бямба, Ням гарагийг оролцуулан) 08:30 – 12.30 ба 13.30 – 17.30 цагт,   
  1. СОНГОГЧООР БҮРТГҮҮЛЭХ МАЯГТ
  1. СОНГОГЧИЙН БҮРТГЭЛИЙГ ИЛГЭЭХ  
  • Сонгогчийг бүртгэх ажиллагаа 2017 оны 5 дугаар сарын 20-ны өдрийн 17.30 цагт дуусгавар болгох бөгөөд энэ өдөр, цагаас хойш бүртгүүлэхээр хандсан паспорт, бүртгэлийн маягтыг хүчингүйд тооцно.
  • Зохих журмын дагуу хугацаандаа багтаж бүртгүүлсэн санал өгөгчийн бүртгэлд холбогдох мэдээллийг 2017 оны 5 дугаар сарын 22-нд багтаан Сонгуулийн Ерөнхий Хороонд илгээх бөгөөд Монгол Улсын иргэний шинэчилсэн бүртгэлийн мэдээллээр баталгаажсанаар сонгогчдын нэрсийн жагсаалтад багтана.
  • Сонгогчийн бүртгэлийн мэдээлэл зохих шаардлага хангаж сонгогчдын нэрийн жагсаалтад багтсан, эсхүл тухайн санал өгөгчийн талаарх мэдээлэл Монгол Улсын иргэний шинэчилсэн бүртгэлийн мэдээллээр баталгаажаагүйгээс сонгогчдын нэрсийн жагсаалтад багтах боломжгүй тухай шийдвэрийг зөвхөн Сонгуулийн Ерөнхий Хороо гаргана.
  1. СОНГОГЧДЫН НЭРСИЙН ЖАГСААЛТАД БҮРТГЭГДСЭНИЙГ МЭДЭЭЛЭХ   

 

  1. САНАЛ ӨГӨХ ӨДӨР АВЧ ИРЭХ БАРИМТ БИЧИГ  
  • Монгол Улсын Ерөнхийлөгчийн 2017 оны сонгуульд дараах өдөр, цагт Лондон дахь Элчин сайдын яамны байранд ирж санал өгнө:
  • 2017 оны 6 дугаар сарын 10-ны өдрийн Бямба гарагт 07:00- 22:00 цагт
  • 2017 оны 6 дугаар сарын 11-ний өдрийн Ням гарагт 07:00- 22:00 цагт
  • Санал өгөхөөр ирэхдээ “Монгол Улсын Ерөнхийлөгчийн ээлжит сонгуульд оролцох гадаад улсад байгаа иргэний бүртгүүлэх маягт” бөглөхдөө хамт мэдээлсэн Монгол Улсын иргэний гадаад пасспорт, эсхүл иргэний шинэчилсэн бүртгэлд хамрагдсанаас хойш олгосон иргэний үнэмлэхийн аль нэгийг заавал авч ирнэ.
  1. АНХААРАХ БУСАД АСУУДАЛ  
  • ЭСЯ-ны дэргэдэх Сонгуулийн салбар Комисс Консулын үйлчилгээ үзүүлэхгүй бөгөөд Даваа – Баасан гарагийн ажлын цагаар зөвхөн ЭСЯ-ны Консулын ажилтан зохих хуваарийн уг үйлчилгээг үзүүлнэ.
  • Иргэн та сонгох эрхээ эдэлж, Монгол Улсын Ерөнхийлөгчийн сонгуульд идэвхитэй оролцоно уу. Монгол Улсын Ерөнхийлөгчийн сонгуулийн талаарх дэлгэрэнгүй мэдээллийг Сонгуулийн Ерөнхий Хорооны www.gec.gov.mn цахим хуудаснаас үзнэ үү.

 

Монгол Улсаас Их Британи, Умард Ирландын Нэгдсэн Вант Улсад суугаа Элчин сайдын яамны дэргэдэх Сонгуулийн салбар комисс № 17

Лавлах утас: 020 7937 0150  ext-14

                       020 7937  0150 ext-15

   Хоёр улс НҮБ-ын хүрээнд амжилттай хамтран ажиллаж байна

ТНБД Д.Даваасүрэн Британийн парламентын Лордын танхимын гишүүн, ГХХНЯ-ны Хамтын нөхөрлөл, НҮБ-ын асуудал хариуцсан Төрийн сайд Баронесс Анелитэй уулзав. Баронесс Анели хэлэхдээ Монгол Улсыг геополитикийн өвөрмөц бүсэд ардчиллын бамбар болон гялалзаж байгаа амжилтаар нь бахархаж байна гэв.

Д.Даваасүрэн НҮБ, Ардчилсан орнуудын хамтын нийгэмлэгийн хүрээнд хоёр орны харилцаа, хамтын ажиллагаа амжилттай хэрэгжиж байгааг дурдаад Монгол Улс НҮБ-ын Хүний эрхийн Зөвлөлийн 2015 сонгуульд үнэмлэхүй олонхийн санал авахад Британи дэмжиж санал өгсөнд талархал илэрхийлэв.  

1 2