ХИЛИЙН ЧАНАДАД ОРШИН СУУГАА ИРГЭДИЙН ЦАХИМ БҮРТГЭЛ

Монгол Улсын Засгийн газрын 2016-2020 оны үйл ажиллагааны хөтөлбөрийн 5.6.9-д заасныг үндэслэн Үндэсний статистикийн хорооны дарга, Гадаад харилцааны сайд, Хууль зүй, дотоод хэргийн сайд нарын хамтарсан тушаалаар “Хилийн чанадад оршин суугаа Монгол Улсын иргэдийг бүртгэлжүүлэх, мэдээллийн санг бий болгох” зорилготой ажлын хэсгийг байгуулан ажиллаж байна. Монгол Улсын иргэн гадаадад хувийн хэргээр зорчих, цагаачлах тухай хуулийн 9.5 -д “Гадаадад удаан хугацаагаар болон цагаачлан суугаа Монгол Улсын иргэн тус улсын дипломат төлөөлөгчийн болон консулын газарт хаягийн бүртгэл хийлгэж байх үүрэгтэй” гэж заасны дагуу гадаадад 183 хоногоос дээш хугацаагаар оршин сууж байгаа Монгол Улсын иргэд бүртгэлд хамрагдана. Энэхүү бүртгэл мэдээллийг бий болгож, тогтмолжуулснаар иргэдийн эрх, ашиг сонирхлыг хамгаалах, хууль, эрх зүйн туслалцааг шуурхай үзүүлэх, иргэний бүртгэл, цахим үйлчилгээний хүртээмжийг сайжруулах суурь сан бий болох юм.

Иргэн та өөрийн мэдээллээ бүртгүүлж, түүнийгээ засварлах, мөн гадаадад хамт амьдарч буй гэр бүлийн гишүүдээ бүртгэх боломжтой.

Иргэн Та Үндэсний статистикийн хорооноос олгож буй Монгол улсын хэд дэх иргэн болж мэндэлснийг тань гэрчлэх батламжийг авах боломжтой.

Та доор дурдсан хаягаар орж бүртгэлд хамрагдана уу.
http://www.citizen.gov.mn/

Та бүртгүүлэхдээ өөрийн олон нийтийн сүлжээ болох Facebook мөн Google account-ын хаягаар орж бүртгүүлэх боломжтой.

ДТГ БОЛОН ТӨРИЙН ЗАРИМ БАЙГУУЛЛАГЫН ХООРОНД КОНСУЛЫН АСУУДЛААРХ УУЛЗАЛТ БОЛОВ

Монгол Улсад суугаа болон хавсран суугаа гадаад орны Дипломат төлөөлөгчийн газрын консулын асуудал хариуцсан дипломатууд болон Төрийн зарим байгууллага хоорондын консулын асуудлаарх уулзалтыг Гадаад харилцааны яамны Консулын газраас  11 дүгээр сарын 14-ний өдөр зохион байгуулав.

mpa_0116

Уулзалтанд  ХЗДХЯ, УЕПГ, ШШГЕГ, ГИХГ зэрэг төрийн байгууллага болон  Монголын банкны холбоо, Нотариатын танхимын төлөөлөл оролцож, өөрсдийн байгууллагын чиг үүрэг, үйл ажиллагааны талаар дэлгэрэнгүй танилцуулав. Мөн гадаадын иргэдийн эрх ашгийг хамгаалах, монгол иргэдэд виз олгох зорчих нөхцлийг хөнгөвчлөх, консулын харилцааны асуудлаар санал солилцов.

mpa_0124

mpa_0128

mpa_0127

Уулзалтанд Австрали, АНУ, АНЭУ, БНСУ, БНЧехУ, Болгар, Вьетнам, Герман, Итали, Их Британи, Канад, Куба, Кувейт, Лаос, ОХУ, Турк, Унгар, Энэтхэг, Франц зэрэг орны ДТГ болон  Албани, Бельги, Кипр, Тайланд, Шведийн Өргөмжит консул нар оролцов.

mpa_0141

ЦАГААН ТОЛГОЙН АНГИД ШИНЭЭР ЭЛСЭГЧ БОЛОН БУСАД ХҮҮХДҮҮДИЙН ЭЦЭГ ЭХЧҮҮДИЙН АНХААРАЛД

• Хичээлийн байрнаас гармагц машин зам байдаг тул зам тээврийн ослоос сэргийлж бага насны хүүхдээ ангид нь биечлэн оруулж өгөөд, хичээл тармагц багшаас нь хүлээн авч байх

• Сургалтын танхим руу шатаар бууж ордог ба бороотой үед халтирч болзошгүй тул хүүхдээ хөтөлж буулгах

• Бямба гарагийн 10:00 цагт хичээл нь эхлэх хүүхдүүдийн эцэг эхчүүд ЭСЯ-ны харалдаа Хайд Парк дахь “Кэнсингтон Палас”-ийн өмнөх талбайд 10:00-11:00 цагийн хооронд зохион байгуулагддаг Лондон дахь Монголчуудын хөлбөмбөгийн чөлөөт тоглолтод хамрагдаж болно.

Монгол Улсаас ИБУИНВУ-д суугаа
Элчин Сайдын Яам