ОЛОН УЛСЫН “НОГООН АЛИМ” ШАГНАЛ АВАВ

Хүрээлэн буй орчныг хамгаалах сайн туршлагуудад олгодог Олон улсын “Ногоон алим” шагналд шалгарсан Монгол Улсын Байгаль орчин, аялал жуулчлалын яамны шагналыг тус яамны сайд Н.Цэрэнбатын хүсэлтээр Элчин сайд Н.Тулга 2018 оны 11 дүгээр сарын 12-ны өдөр Уэстминстерийн ордонд очиж хүлээн авлаа.

 

Энэхүү шагналыг Монгол Улсын Байгаль орчин, аялал жуулчлалын яамнаас  шинэ залуу үеийнхний байгаль орчинд хандах хандлагад эерэг өөрчлөлт оруулах, яамны хүрээлэн буй орчин, экологийн талаарх бодлогыг сурталчилан таниулах зорилгоор хэрэгжүүлсэн “Ногоон паспорт” санаачилгад олгож байгаа ажээ.