ЭЛЧИН САЙД Н.ТУЛГА БРИТАНИЙН ГХХНЯ-НЫ АЗИ, НОМХОН ДАЛАЙН АСУУДАЛ ХАРИУЦСАН ТӨРИЙН САЙД МАРК ФИЙЛД-ТЭЙ УУЛЗАВ

Монгол Улсаас ИБУИНХУ-д суугаа Онц бөгөөд бүрэн эрхт Элчин сайд Н.Тулга 2018 оны 11 дүгээр сарын 05-ны өдөр ГХХНЯ-ны байранд Ази, Номхон далайн асуудал хариуцсан Төрийн сайд Марк Фийлд-тэй уулзав.   

М.Фийлд Элчин сайдад дахин томилогдсонд баяр хүргээд хоёр орны эдийн засгийн харилцаа уул уурхайн хөрөнгө оруулалт, Хөрөнгийн бирж, Кембрижийн хөтөлбөр, Чивнингийн хөтөлбөр зэрэг олон чиглэлээр амжилттай хөгжиж байгаа бөгөөд Монгол Улс ардчиллын замыг сонгож бүс нутагтаа жишээ болж байгаад Их Британи талархдагийг тэмдэглэв.

Элчин сайд Британийн зүгээс эдийн засгийн болон бусад салбарын харилцаанд ач холбогдол өгч байгааг талархан тэмдэглээд хоёр талын бизнесүүдийг холбох гүүр нь болж ажиллана гэдгээ илэрхийлэв.