МОНГОЛ УЛСЫН ИРГЭНИЙ ҮНЭМЛЭХ АВАХ, ИРГЭНИЙ БҮРТГЭЛИЙН ҮЙЛЧИЛГЭЭ

ЭНЭ ХУУДАСНААС ТА:

 

  1. ЭСЯ-нд бүртгүүлэх болон бүртгүүлэхийн ач холбогдлын тухай
  2. Монгол Улсын Иргэний цахим үнэмлэх хэрхэн авах тухай
  3. ЭСЯ-наас үзүүлдэг улсын бүртгэлийн бусад үйлчилгээний тухай унших боломжтой.

 

САНАМЖ:

Энэхүү мэдээлэл нь ИБУИНХУ, Ирланд, Исланд Улсуудад байнга болон түр оршин суугч, мөн эдгээр улсуудад богино хугацаагаар зорчиж буй Монгол Улсын иргэдэд зориулагдсан болно.

Цагийн хуваарь: Та консулын үйлчилгээ авахаар ЭСЯ-нд ирэхээсээ өмнө 0207-937-0150 (ext-15) утсаар, эсхүл консулын office@embassyofmongolia.co.uk цахим хаягаар урьдчилан холбогдож, цаг товлоно уу. Ингэх нь таны болон бусдын товлогдсон үнэтэй цагийг хэмнэхийг анхаарна уу.

ЭСЯ-ны консулын хэсэг нь Визийн хэсгээс тусдаа бөгөөд нийтээр тэмдэглэх баяр ёслолын өдрөөс бусад үед Даваагаас Баасан гарагт 09:00-13:00, 14:00-18:00 цагийн хооронд ажилладаг. ЭСЯ консулын асуудал хариуцсан зөвхөн нэг ажилтантай ба ИБУИНХУ, түүний хотууд, хавсран суугаа Ирланд, Исланд Улсууд дахь Монгол иргэдийн эрхийг хамгаалах асуудлаар хууль хяналт, цагдаа, шүүх, эрүүл мэндийн гэх мэт олон байгууллагаар явах шаардлага гарах нь бий. Иймд үйлчилгээ авахдаа урьдчилж цаг товлохыг Танд зөвлөе.

Үйлчилгээний хураамжийг эндээс үзнэ үү.

 

  1. Иргэн та Элчин сайдын яамандаа бүртгүүлнэ үү:

ИБУИНХУ, Ирланд, Исланд Улсад албаны болон хувийн, эсхүл сурах, жуулчлахаар ирсэн Монгол Улсын иргэн таныг Элчин сайдын яамандаа ирж бүртгүүлэхийг уръя. Мөн Та бүртгэлийн маягтыг энд дарж аван бүрэн бөглөөд тус Элчин сайдын яамны консулын office@embassyofmongolia.co.uk хаяг руу илгээж болно.

 

Элчин сайдын яаманд бүртгүүлэхийн ач холбогдол:

Лондон дахь ЭСЯ нь ИБУИНХУ, Ирланд, Исланд Улсуудад амьдран суугаа иргэдийн эрх ашгийг хамгаалах асуудалд анхаарал тавьдаг. Тэдэнтэй ойр байж, санал хүсэлт, гомдлыг тухай бүр сонсох, барагдуулах, Монгол иргэдийн дунд соёл, сурталчилгааны бололцоотой арга хэмжээг зохион байгуулахад дэмжин ажилласаар ирсэнийг Та бүхэн мэдэх билээ. Эдгээр арга хэмжээг хэрэгжүүлэхийн тулд Таны хаяг, холбогдох бусад мэдээллийг мэдэж байх шаардлага гардаг.

Нөгөө талаар, Та бүхний эх оронд буй ар гэр, зарим тохиолдолд зохих байгууллагаас Тантай яаралтай холбоо барих, мэдээ дамжуулж өгөхийг биднээс хүсэх нь бий. Цаашилбал, хэрвээ Танд ямар нэгэн асуудал тулгарч, бэрхшээл, гачигдал гарвал консулын ажилтан ард үлдсэн Таны гэр бүл, төрөл төрөгсдөд  мэдээ, мэдээллийг яаралтай хүргэхэд чухал ач холбогдолтой.

Жич: Элчин сайдын яам нь хувь хүний мэдээллийг чандлан хадгалах ба Таны хувийн мэдээлэл, холбоо барих и-мэйл хаяг, утасны дугаарыг хөндлөнгийн этгээдэд өгдөггүй болно.

  1. ИБУИНХУ, Ирланд, Исланд Улсад амьдардаг 16 нас хүрсэн Монгол Улсын Иргэний цахим үнэмлэхний захиалгын бүртгэлийгЭСЯ-нд үйлдэнэ. Мөн 25 ба 45 насанд бүрэн хүрсэн Монгол Улсын иргэд иргэний цахим үнэмлэхээ шинэчлэн авах шаардлагатай.

 

А. 16 насанд хүрсэн Монгол Улсын төрсний гэрчилгээтэй хүн иргэний цахим үнэмлэхний бүртгэл хийлгэхдээ ЭСЯ-ны консулын ажилтнаас урьдчилан цаг авч өөрийн биеэр ирэх бөгөөд заагдсан маягтуудыг хэвлэн бүрэн бөглөөд дараах бичиг баримтуудын бүрэн бүрдлийг хангасан байна. Үүнд:

Зөвлөмж: Үнэмлэх хүсэгч нь хөгжлийн бэрхшээл /хэл яриа, сонсголын болон бусад/-тэй бол гэр бүлийн аль нэг гишүүн хамт ирнэ. Монгол хэл мэдэхгүй бол үнэмлэх хүсэх үйл ажиллагааны учир холбогдлыг урьдчилан ойлгуулж, бичиг баримтыг нь бүрэн өгч явуулна уу.

Б. 25, 45 насанд хүрсэн Монгол Улсын иргэд цахим үнэмлэхээ шинэчлүүлдэг. Ингэхдээ ЭСЯ-ны консулын ажилтнаас урьдчилан цаг авах бөгөөд заагдсан маягтуудыг хэвлэн бүрэн бөглөөд дараах бичиг баримтуудын бүрэн бүрдлийг хангаж өөрийн биеэр авч ирэх шаардлагатай. Үүнд:

  1. Элчин сайдын яам иргэддээ иргэний бүртгэлийн дараах үйлчилгээг үзүүлдэг. Үүнд:
  • Төрсний бүртгэл: Шинэ төрсөн хүүхдийг бүртгэж Монгол Улсын Иргэний төрсний гэрчилгээ олгох, Дэлгэрэнгүйг энд дарж уншиж танилцана уу.
  • Иргэний үнэмлэх: 16 нас хүрсэн Монгол Улсын төрсний гэрчилгээтэй хүүхэд болон 25, 45 насанд хүрэгсэдийн биеийн давхцахгүй өгөгдлийг /хурууны хээ, гэрэл зураг гм/ бүртгэж, иргэний үнэмлэх захиалах ажлыг гүйцэтгэж байна.
  • Гэрлэлтийн бүртгэл: Зохих бичиг баримтаа бүрэн бүрдүүлсэн  тохиолдолд  гэрлэлтийг бүртгэж гэрлэлтийн гэрчилгээ олгоно. Дэлгэрэнгүйг энд дарж уншиж танилцана уу.
  • Гэрлэлт цуцалсны бүртгэл: Хэрэв 16 насанд хүрээгүй хүүхэдтэй, эд хөрөнгийн маргаантай бол гэрлэлтийг зөвхөн шүүхийн шийдвэрээр цуцлах хуультай тул энэ талаарх Таны хүсэлт, өргөдлийг ЭСЯ зөвхөн нотариатаар гэрчлэх үйлчилгээ үзүүлнэ.
  • Нас барсны бүртгэл: Энэ төрлийн бүртгэлийг ЭСЯ-нд үйлдэхгүй ч Монгол Улсын иргэний нас барсан тухай гадаадын зохих байгууллагын тодорхойлолтыг нотлож өгснөөр Та нас барсны гэрчилгээг талийгаачийн Монголд Улсад бүртгэлтэй байсан тухайн засаг захиргааны нэгж (хороо, сум)-ээс авах ёстой.