ПАСПОРТ ОЛГОХ, СУНГАХ

ЭНЭ ХУУДАСНААС ТА:

  • Гадаад Паспорт захиалах хоёр арга замын тухай
  • Гадаад Паспортыг хэрхэн сунгуулах тухай унших болно.

 

Иргэн таны гадаадад зорчих, хилийн чанадад таныг Монгол Улсын иргэн гэдгийг тань гэрчлэх бичиг баримт бол Үндэсний гадаад паспорт юм. Иймд иргэн та аль ч улсын иргэдийн нэгэн адил бичиг баримтынхаа хүчинтэй эсэхийг сайтар шалгаж, сунгалт, шинэчлэлээ шаардлагатай үед нь хийлгэж, өөртөө болон үр хүүхэддээ хариуцлагатай хандах нь чухал юм.

passport

 

Та бүхэн Паспорт захиалах, итгэмжлэл авахдаа тус ЭСЯ-ны 0207-937-0150 (ext 15) утсаар, эсхүл Консулын otgonbayar@embassyofmongolia.co.uk хаягаар холбоо барьж урьдчилан цаг товлох нь таны үнэтэй цагийг хэмнэхийг анхаарна уу.

ГАДААД ПАСПОРТЫГ ЗАХИАЛАХ ДАРААХ ХОЁР АРГА БИЙ:

ЭХНИЙ АРГА нь: Паспортыг Элчин сайдын яамаар дамжуулан захиалах. Шинэ загварын гадаад паспорт гарсантай холбогдон 2002 оны 11 дүгээр сарын 15-ныг хүртэл олгож байсан энгийн гадаад паспортад сунгалт хийхийг зогсоосон тул Монгол Улсын иргэдэд шинэ паспорт олгож байгаа болно. Шинээр паспорт авахыг хүссэн иргэд материалаа зохих журмаар бүрдүүлж ЭСЯ-нд өгнө. ЭСЯ материалыг ӨОУБЕГ-т хүргүүлж бичилт хийлгүүлнэ. Шинээр захиалсан паспорт хүргэгдэж ирэх хүртэл 1-3 сар, түүнээс урт хугацаа шаардагдаж болох тул паспорт захиалахдаа үүнийг бодолцоно уу.

Бүрдүүлэх материал
1. Паспорт захиалах маягтыг татан авч авч бөглөх
2. 3,5 х 4,5 см хэмжээтэй, цагаан дэвсгэртэй өнгөт зураг 4 хувь,
3. Хуучин паспорт болон цахим иргэний үнэмлэхний хуулбар
4. 40 фунт стерлинг (бэлнээр эсхүл чекээр)
5.  Улсын бүртгэлийн лавлагаа авах шаардлага гарвал тэдний баталсан журмын дагуу хураамж авна.
6. Өргөдөл гаргах /оршин суугаа хаяг, утасны дугаараа тодорхой бичсэн байх шаардлагатай/
7. Хүүхдэд гадаад паспорт хүсч байгаа бол эцэг/эхийн гадаад паспорт эсвэл цахим үнэмлэхийн хуулбарыг үндсэн материалтай хавсаргах

8. Насанд хүрсэн хүн өөрийн Паспортыг биечлэн ирж захиална. Бусдын өмнөөс Паспорт захиалга хийх боломжгүйг анхаарна уу.

Түүнчлэн:

  • Гадаад паспортын зургийн хэмжээ 3,5 * 4,5 см. Зургийн арын фон цагаан, нүүрний өндөр 3,2-3,6 см-ийн хэмжээтэй нийт зургийн 90%-ийг эзэлсэн, эгц харсан, дух, чихний хэсэг ил гарсан байх.
  • Нүдний шилгүй байх.
  • Зурагнаас татаагүй, компьютерээр засварлаагүй байх гэсэн шаардлагуудыг хангасан байхыг анхаарна уу.

Та бүхэн үйлчилгээ авахдаа тус ЭСЯ-ны 0207-937-0150 (ext 15) утсаар, эсхүл Консулын otgonbayar@embassyofmongolia.co.uk хаягаар холбоо барьж урьдчилан цаг товлох нь таны үнэтэй цагийг хэмнэхийг анхаарна уу.

Цагийн хуваарь: ЭСЯ-ны консулын хэсэг (виз тусдаа хуваарьтай) долоо хоногийн Даваагаас Баасан гаригт 09:00-13:00 болон 14:00-18:00 цагуудад ажиллана. Нийтээр тэмдэглэх баяр ёслолын болон бүх нийтийн амралтын өдрүүдээр амарна.

ХОЁР ДАХЬ АРГА нь: Бусдад итгэмжлэл олгох замаар Паспорт яаралтай захиалах. Та яаралтай Паспорт захиалах шаардлагатай бол Монгол улсад байгаа хүнд итгэмжлэл олгох замаар захиалгыг шуурхай хийлгэх боломжтой. Энэ тохиолдолд итгэмжлэлийн маягт бөглөнө үү.

Итгэмжлэл олгох замаар Улаанбаатар хотод Паспорт захиалуулах тохиолдолд таны итгэмжлэлийг манай консулын ажилтан Монгол Улс дахь Гадаад харилцааны яамны Консулын газар руу илгээх бөгөөд таны итгэмжлэгдсэн хүн уг итгэмжлэлийг хүлээн авч Улаанбаатар хот дахь Оюуны Өмч, Улсын Бүртгэлийн Ерөнхий газарт хандан таны өмнөөс танд Паспорт захиална.

Иймд тухайн итгэмжлэгдсэн хүндээ таны зүгээс Паспортын хэмжээтэй, өнгө дүрсний чанар сайтай цээж зургаа файл хэлбэрээр явуулах шаардлагатай болно. Паспорт захиалах заавар, цээж зураг, үйлчилгээний үнийн талаар эндээс уншиж танилцана уу.

 

ПАСПОРТ СУНГАХ талаар танд хэрэгтэй зөвлөмж

Паспорт сунгалтыг та бүхний эрэлт хэрэгцээг үндэслэн хийж байгаа боловч практикт энэхүү сунгалтыг зарим улс орны хилийн алба, Олон Улсын Иргэний Нисэхийн Байгууллага (ICAO), түүний гишүүн орнууд хүлээн зөвшөөрөхгүй байх, асууж тодруулах зэргээр хүндрэл учруулах тохиолдол гарч байгааг манай иргэд анхаарч зөвхөн яаралтай тохиолдолд эх орондоо буцах үедээ Паспортын сунгалт хийлгэхийг зөвлөж байна.

Бага насны хүүхдийн Паспортыг сунгуулахдаа Паспорт дээрх фото зураг, тухайн хүүхдийн одоогийн царай төрхийг харьцуулан танигдах эсэхийг нь харгалзан үздэг болно. Мөн 16 нас хүрсэн боловч иргэний шинэчилсэн бүртгэлд хамрагдаагүй бол Паспортыг сунгах боломжгүй бөгөөд энэ тохиолдолд хүүхдийг шинэчилсэн бүртгэлд хамруулж, иргэний үнэмлэх гарсны дараа Паспорт захиалах нь зүйтэй.

2001 оны 12 дугаар сараас хойш олгогдсон шинэ Паспортын хугацааг сунгана. Бусдаар дамжуулан Паспортыг сунгах хүсэлтийг шийдвэрлэх боломжгүй. Харин эцэг, эх нь насанд хүрээгүй хүүхдийнхээ Паспортыг сунгуулж болно.

Гадаад паспорт сунгалтын маягтыг эндээс татаж авна уу.

Жич: Шинээр Паспорт захиалах иргэд иргэний шинэчилсэн бүртгэлд заавал хамрагдсан байна. Иргэний шинэчилсэн бүртгэлд хамрагдаагүй, 16 насанд хүрсэн боловч иргэний үнэмлэх аваагүй иргэдэд Паспорт олгох боломжгүй.

Та бүхэн үйлчилгээ авахдаа тус ЭСЯ-ны 0207-937-0150 (ext 15) утсаар, эсхүл Консулын otgonbayar@embassyofmongolia.co.uk хаягаар холбоо барьж урьдчилан цаг товлох нь таны үнэтэй цагийг хэмнэхийг анхаарна уу.

Цагийн хуваарь: ЭСЯ-ны консулын хэсэг (виз тусдаа хуваарьтай) долоо хоногийн Даваагаас Баасан гаригт 09:00-13:00 болон 14:00-18:00 цагуудад ажиллана. Нийтээр тэмдэглэх баяр ёслолын болон бүх нийтийн амралтын өдрүүдээр амарна.