Мэдээ

МОНГОЛ УЛСЫН ТӨЛӨӨЛӨГЧИД ЕВРОПЫН АЮУЛГҮЙ БАЙДАЛ, ХАМТЫН АЖИЛЛАГААНЫ БАЙГУУЛЛАГЫН ПАРЛАМЕНТЫН АССАМБЛЕЙН 29 ДҮГЭЭР ХУРАЛДААНД ОРОЛЦЛОО

Монгол Улсын УИХ-ын гишүүн, Монгол Улсаас Европын аюулгүй байдал, хамтын ажиллагааны байгууллагын Парламентын Ассамблей (ЕАБХАБ-ын ПА)-тай  харилцах бүлгийн дарга Д.Цогтбаатар, УИХ-ын Дэд дарга С.Одонтуяа, УИХ-ын

ИРГЭДИЙН АНХААРАЛД

Монгол Улсын Бүх нийтээр тэмдэглэх баярын болон тэмдэглэлт өдрүүдийн тухай хуульд заасны дагуу Үндэсний их баяр наадмын өдрүүд буюу 7 дугаар сарын 11-15-ны өдрүүдэд Элчин

Видео дүрс

МОНЦАМЭ мэдээ

Интернэтэд ташаа мэдээлэл гарч байна

    Улаанбаатар /МОНЦАМЭ/. ‘АНУ-ын Ерөнхийлөгч Д.Трамп Монгол Улсын иргэдийг 180 хүртэлх хоногийн хугацаатай АНУ-д визгүй зорчуулах зарлигт гарын үсэг зурлаа’ гэсэн мэдээлэл гадны сайтад

Улс орноо гадаадад сурталчлахад “GREAT” санаачилгын туршлага чухал  

ТНБД Д.Даваасүрэн Британийн Ерөнхий сайдын ажлын албаны дэргэдэх GREAT санаачилгын Олон нийттэй харилцах асуудал эрхэлсэн захирал Д.Уолполтой уулзаж GREAT санаачилгын үйл ажиллагаа, туршлагыг судлан улмаар Монгол

  • Монгол хэл
  • English

МОНГОЛ УЛС АЯЛАХАД ТОХИРОМЖТОЙ 10 ОРНЫ НЭГЭЭР ШАЛГАРАВ

Аялал жуулчлалын www.lonelyplanet.com портал сайтын мэргэжилтнүүд  Монгол Улсыг 2017 онд аялахад тохиромжтой арван орны нэгээр шалгаруулсан байна.

Lonely Planet’s experts select Mongolia as one of the top 10 countries to travel for 2017. Please visit www.lonelyplanet.com for further information.

7-mongolia

ЭЗЭН БОГД ЧИНГИС ХААНЫ ЭШ ХӨРГИЙГ ДЭЭДЛЭН ЗАЛАВ

Монгол Улсын Ерөнхийлөгчийн 2022 оны 7 дугаар сарын 11-ний өдрийн 159 дүгээр зарлигт “Төрийн бүх байгууллага, Монгол Улсаас хилийн чанадад суугаа дипломат төлөөлөгчийн газар, бүх шатны сургалтын байгууллагууд Эзэн Богд Чингис хааны эш хөргийг дээдлэн залсугай” гэж заасны дагуу Монгол Улсаас ИБУИНХУ-д суугаа Элчин сайдын яам Эзэн Богд Чингис хааны эш хөргийг дээдлэн залав.

ИБУИНХУ ДАХЬ МОНГОЛЧУУД ҮНДЭСНИЙ ИХ БАЯР НААДМАА ТЭМДЭГЛЭВ

Тулгар төрийн 2231, Их Монгол Улс байгуулагдсаны 816, Үндэсний эрх чөлөө, тусгаар тогтнолоо сэргээн мандуулсны 111, Ардын хувьсгалын 101 жилийн ойн их баяр наадмыг тохиолдуулан Монгол Улсаас ИБУИНХУ-д суугаа Элчин сайдын яам, Британи дахь Монголчуудын холбоо болон монгол иргэд, холбоодтой хамтран Монгол үндэсний наадмыг 2022 оны 7 дугаар сарын 3-ны өдөр Лондон хотноо зохион байгуулав.

Үндэсний өв соёлыг түгээн дэлгэрүүлэх монгол наадамдаа Лондон, Манчестер, Глазгоу зэрэг хотуудад оршин сууж буй монголчууд, гаднын зочид, төлөөлөгчид өргөнөөр оролцов.

Баяр наадмын үйл ажиллагааг Монгол Улсаас ИБУИНХУ-д суугаа Элчин сайд Б.Энхсүх нээж үг хэлэв.

Наадмын хүчит бөхийн барилдаанд 32 бөх хүч үзсэнээс Төв аймгийн Баян сумын харьяат сумын заан Б.Батбилэг түрүүлж, Баянхонгор аймгийн Эрдэнэцогт сумын харьяат А.Ганболд үзүүрлэв. Мөн үндэсний бөхийн барилдаан, гүйлт зэрэг уралдаан тэмцээнүүдийг хүүхдийн нас насны ангиллаар зохион байгуулж, насанд хүрэгчдийн дунд шагайн харваа, сагсан бөмбөгийн 3 онооны шидэлтийн тэмцээн зохион байгуулж аваргуудаа шалгаруулав.

Лондон хотын Үндэсний баяр наадамд өнгө нэмж, Монгол Улсын зууны манлай дуучин Б.Сарантуяа, дуучин Б.Нацагдорж, ДБЭТ-ын Найрал дуучин Э.Амарсайн нар ая дуугаа өргөж наадамчин олноо баясгалаа.

Монгол Улсаас ИБУИНХУ-д суугаа Элчин сайдын яам

МОНГОЛ УЛСЫН ТӨЛӨӨЛӨГЧИД ЕВРОПЫН АЮУЛГҮЙ БАЙДАЛ, ХАМТЫН АЖИЛЛАГААНЫ БАЙГУУЛЛАГЫН ПАРЛАМЕНТЫН АССАМБЛЕЙН 29 ДҮГЭЭР ХУРАЛДААНД ОРОЛЦЛОО

Монгол Улсын УИХ-ын гишүүн, Монгол Улсаас Европын аюулгүй байдал, хамтын ажиллагааны байгууллагын Парламентын Ассамблей (ЕАБХАБ-ын ПА)-тай  харилцах бүлгийн дарга Д.Цогтбаатар, УИХ-ын Дэд дарга С.Одонтуяа, УИХ-ын гишүүн Н.Учрал нар ИБУИНХУ-ын Бирмингем хотноо 2022 оны 7 дугаар сарын 2-ноос 6-ны өдрүүдэд тус Ассамблейн 29 дүгээр хуралдаанд оролцлоо.

ЕАБХАБ-ын ПА-н Торгоны зам бүлгийн долоодугаар уулзалтаас УИХ-ын гишүүн Д.Цогтбаатарыг тус бүлгийн Мэдээлэл, судалгааны элч-баг (fact-finding mission)-ийн ахлагчаар томилж ажиллуулахаар шийдвэрлэв. Энэ баг нь Европ, Азийн худалдаа, хөрөнгө оруулалт, эдийн засгийн харилцаанд үүсээд буй харилцаа холбоо, тээвэр логистикийн нөхцөл байдлын талаар мэдээлэл цуглуулан судалж, үнэлгээ, дүн шинжилгээ боловсруулах бөгөөд бүрэлдэхүүнд нь ЕАБХАБ-ын ПА-н ерөнхийлөгч асан хоёр эрхэм зэрэг нэр хүнд, туршлага бүхий шинжээчид орж ажиллах ажээ.

Ассамблейн 29 дүгээр хуралдаанаар тус ассамблейн ерөнхийлөгч, дэд ерөнхийлөгч, тусгай хороодын дарга нарыг томилох сонгууль явагдав.

ИРГЭДИЙН АНХААРАЛД

Монгол Улсын Бүх нийтээр тэмдэглэх баярын болон тэмдэглэлт өдрүүдийн тухай хуульд заасны дагуу Үндэсний их баяр наадмын өдрүүд буюу 7 дугаар сарын 11-15-ны өдрүүдэд Элчин сайдын яамны консулын хэcэг ажиллахгүй болохыг мэдээлж байна. Иймд Та бүхэн бусад өдрүүдийг сонгон үйлчлүүлнэ үү.
Хэрэв Танд ЭСЯ-тай яаралтай холбоо барих шаардлага үүссэн тохиолдолд +44 (0)20 7937 0150 дугаарт залган, 9 товчийг дарж ЭСЯ-ны шуурхай утсанд холбогдоно уу.
Та бүхэн сайхан наадаарай!
МОНГОЛ УЛСААС ИБУИНХУ-Д СУУГАА ЭЛЧИН САЙДЫН ЯАМ

ОЮУНЛАГ ОРШИХУЙ ЦУВРАЛЫН 51 ДЭХ ДУГААРЫГ ЭСЯ ДЭЭР ЗОХИОН БАЙГУУЛАВ

Монгол, Британийн хооронд дипломат харилцаа тогтоосны 60 жилийн ой ирэх онд тохиож буйтай холбогдуулан ЭСЯ-ны зүгээс цуврал арга хэмжээг зохион байгуулж байгаа билээ. Энэ хүрээнд Тогтвортой ноос, ноолуурын эвсэлтэй хамтран нүүдэлчин соёл иргэншлээ сурталчлан таниулах зорилготой “Нутаг” гэрэл зургийн үзэсгэлэн, номыг гаргахаар төлөвлөн ажиллаж байна.

Тус номыг эрхлэн гаргагч Др Б.Батхишиг, гэрэл зурагчин П.Баттулга нарыг “Оюунлаг Оршихуй” цуврал ярилцлагын 51 дэх дугаарын зочноор урьж, төрсөн нутгийн газар шороо, хүн мал, түүх соёл, өв уламжлал, тэдгээрийг өвлөн хадгалах, хайрлан хамгаалах үзэл санааны талаар дэлгэрэнгүй ярилцлаа.

Нутаг үзлийг хадгалж, нүүдэллэн амьдрах арга ухааныг өвлөн үлдэх нь өдгөө дэлхий нийтийн хөгжлийн чиг баримтлал болоод буй тогтвортой хөгжлийн үзэл санаатай нийцэж байгааг оролцогчид онцолж байв. Уулзалт ярилцлагад 50 гаруй иргэд оролцож, сонирхсон асуултандаа хариулт авлаа.

БРИТАНИД ОРШИН СУУГАА ЭХЧҮҮД АЛДАРТ ЭХИЙН ОДОНГОО ГАРДАН АВЛАА

Монгол Улсын Ерөнхийлөгчийн 2022 оны 5 дугаар сарын 18-ны өдрийн 68 дугаар зарлигаар ИБУИНХУ-д оршин суугаа Монгол Улсын иргэн П.Оюунгэрэлийг “Алдарт эх”-ийн нэгдүгээр зэргийн одонгоор, Б.Ганзоригийг “Алдарт эх”-ийн хоёрдугаар зэргийн одонгоор, Ц.Гантуулыг “Алдарт эх”-ийн хоёрдугаар зэргийн одонгоор тус тус шагнасныг Элчин сайд Б.Энхсүх 2022 оны 6 дугаар сарын 23-ны өдөр ЭСЯ дээр гардуулан өгч, баяр хүргэлээ.

 

МОНГОЛ УЛС, УЗБЕКИСТАН УЛСЫН ИРГЭД ХАРИЛЦАН ВИЗГҮЙ ЗОРЧИХООР БОЛОВ

Монгол Улс болон Бүгд Найрамдах Узбекистан Улсын бүх төрлийн паспорт эзэмшигч иргэд 2022 оны 6 дугаар сарын 3-ны өдрөөс эхлэн богино хугацаанд буюу 30 хүртэл хоногийн хугацаатай харилцан визгүй зорчихоор болов.
Монгол Улсын иргэд визгүй зорчих орнууд: https://consul.mn/visa/c/24

ИРЛАНДАД ОРШИН СУУЖ БУЙ МОНГОЛ ИРГЭДЭД КОНСУЛЫН ҮЙЛЧИЛГЭЭ ҮЗҮҮЛЭВ

Ирланд Улсын Дублин хот болон түүний ойр орчимд амьдарч буй монгол иргэдэд 2022 оны 6 дугаар сарын 6–7-ны өдрүүдэд ЭСЯ-наас консулын үйлчилгээ үзүүлэв. Нийт 85 иргэнд нотариатын үйлчилгээг үзүүлж, 3 иргэний төрсний бүртгэлийг хийж, 20 иргэнийг иргэний шинэчилсэн бүртгэлд хамруулав.

ДЭЛХИЙН БОЛОВСРОЛЫН ЧУУЛГАНД ОРОЛЦОВ

ИБУИНХУ-ын Лондон хотноо 2022 оны 05 дугаар сарын 22-ноос 05 дугаар сарын 25-ны өдрүүдэд зохион байгуулагдсан Дэлхийн боловсролын чуулганд Монгол Улсыг төлөөлж Элчин сайд Б.Энхсүх, БШУЯ-ны Гадаад харилцаа, хамтын ажиллагааны газрын дарга Ш.Нарантуяа, Боловсролын нэгдсэн бодлого төлөвлөлтийн газрын дарга П.Оюунаа, ЭСЯ-ны соёл боловсролын асуудал хариуцсан хоёрдугаар нарийн бичгийн дарга Ө.Оюунжаргал нар оролцов. Энэ жилийн чуулганд дэлхийн 114 орны өндөр дээд хэмжээний зочид төлөөлөгчид оролцож, цар тахлаас шалтгаалж боловсролын салбарт тулгарсан бэрхшээлийн талаар ярилцаж, сургалтад нэвтрүүлж туршсан шинжлэх ухаан технологийн дэвшил нь сурагчдын хичээлийн хоцрогдлыг багасгахад тусалсан талаар туршлага хуваалцсан юм.

Дэлхийн боловсролын чуулганы үеэр Кембрижийн их сургуулийн Кембрижийн Боловсролын хамтын ажиллагааны газрын Харилцаа холбоо, маркетинг хариуцсан дарга Кагендо Салисбури, Мэргэжлийн боловсон хүчнийг бэлтгэх газрын дарга Марк Нисам, Ази Кавказ Бангладеш хариуцсан ахлах зөвлөх Стив Кинг болон Британийн Худалдааны яамны Англи хэлний багш бэлтгэх асуудал хариуцсан мэргэжилтэн Марк Хенебури, Бритиш консулын Англи хэлний хөтөлбөр хариуцсан дарга Майкл Коноли нартай уулзаж цаашид хамтран ажиллах боломжийн талаар санал солилцов.

 

ЦОГ ЖАВХЛАНТ ХАТАН ХААН ХОЁРДУГААР ЭЛИЗАБЕТ ХААН ШИРЭЭНД ӨРГӨМЖЛӨГДСӨНИЙ 70 ЖИЛИЙН ОЙ ТОХИОЖ БАЙНА

Цог Жавхлант Хоёрдугаар Элизабет ИБУИНХУ-ын Хатан хаан, Хамтын Нөхөрлөлийн Тэргүүнээр өргөмжлөгдсөний 70 жилийн ойн тэмдэглэлт баярыг энэ өдрүүдэд тэмдэглэж байна.
Хатан хаан Хоёрдугаар Элизабет нь 1952 онд 26 настайдаа Хатан хаанаар өргөмжлөгдөж байсан бөгөөд Британид хаант ёс мянгаад жил үргэлжлэхэд түүхэндээ хамгийн удаан хаан ширээнд суусанд тооцогдож байна. Цаг хугацааны хувьд түүний өмнө Хатан хаан Викториа 63 жил хаан ширээнд суусан байдаг бол харин олон улсын хэмжээнд Францын Арван дөрөвдүгээр Луй 72 жилийн турш буюу хамгийн удаан хаанчилсан түүхтэй аж. Хатан хаан Хоёрдугаар Элизабетын Төрийн тэргүүнээр ажиллах 70 жилийн хугацаанд Британийн 14 Ерөнхий сайд, АНУ-ын 14 Ерөнхийлөгч солигдон ажиллажээ.
Хатан хаан Хоёрдугаар Элизабетад эрүүл энх, сайн сайхныг хүсэн ерөөе.
ЛОНДОН ДАХЬ ЭСЯ
1 2 3 42