SOCIAL AND ECONOMIC SITUATION OF MONGOLIA (As of the first 10 months of 2010)

I. Social indicators

In the first 10 months of 2010, the number of live births decreased by 2236 to 55453, the number of mothers delivered children decreased by 2246 or 3.9 percent to 55244, compared to the same period of the previous year. In the first 10 months of 2010, child mortality aged 1-5 increased by 101 or 52.9 percent to 292; while infant mortality decreased by 39 or 3.5 percent to 1083, the number of maternal deaths by 17 or 44.7 percent to 21, compared to the same period of the previous year. The number of unemployed who had registered at Labour and Welfare Service Divisions in aimags and capital city and were actively looking for job reached 40316 at the end of October, 2010, reflecting a increase of 711 persons or 1.8 percent, compared to the same period of the previous year. Compared to the same period of the previous year, the increase in the number of unemployed was mainly due to the increase in Dornod (238 persons), Khentii (267 persons), Dundgovi (280 persons), Khovd (292 persons), Arkhangai (306 persons), Tuv (314 persons), Dornogovi (348 persons) and Zavkhan aimags (947 persons), respectively. » Read more

Тони Блейр монголчуудад захидал илгээжээ

Британийн Ерөнхий сайд асан Тони Блэйр Монгол Улсын Ерөнхийлөгч, Ерөнхий сайдын нэрээр дамжуулан монголчуудад захидал илгээжээ. Тэрээр захидалдаа “Өнөөдөр миний бие та бүхэнд хандаж үг хэлэх завшаан олгосонд гүнээ талархаж байгааг хүлээн авна уу. Хэдийгээр би өөрийн биеэр энэ удаа хүрэлцэн ирэх боломжгүй гэсэн хэдийч, ойрын ирээдүйд Монгол Улсад айлчлан очно гэдэгт итгэлтэй байна. Энэ тэргүүнд Монгол Улсын Төр засаг, ард иргэдийг өөрийн олон зуун жилийн  бахархалтай түүхийн нэгэн тэмдэглэлт оныг угтаж буйд баяр хүргэе.

Энэ онд Үндэсний эрх чөлөөний хувьсгалын 100 жил, Монголын Тулгар Төр байгуулагдсаны 2220 жилийн давхар ойг та бүгд тэмдэглэж байгаа билээ. Энэ бол үнэхээр гайхамшигтай ололт амжилт юм. Тиймээс энэхүү 21-р зууны хоёр дахь арван жилд  Монгол Улс нь өөрийн хөгжил замналын ээдрээтэй уулзварын өмнө ирээд буй энэ үед ялгуусан түүхээ тэмдэглэхийн сацуу тэмүүлэх ирээдүйгээ тодорхойлох цаг болсон байна. Энэхүү цаг мөч нь үсрэнгүй өсөлт, цэцэглэсэн хөгжил дэвшилд хүрэх агуу их боломж, бололцоог олгож байна.  Өнөө үед Дэлхий дахинаа Монгол Улсыг ардчилсан ёс, зах зээлийн эдийн засгийн тогтолцоонд тайвнаар амжилттай залуурдан шилжсэн Төв Азийн үлгэр жишээ орон хэмээн харж байна. Монгол орон өвөрмөц газар зүйн болон цаг уурын нөхцөлтэй төдийгүй өөрийн газрын эрдэс баялагыг хүртээмжтэй, тулхтай хөгжил болгох асар том сорилтын өмнө зогсож буй явдал нь үнэхээр санаа алдуулж, сэтгэл хөдөлгөм байна. Эрдэс баялаг нь тухайн улсын хөгжлийн мандан бадрал, уналт доройтлын аль нэгний эх үүсвэр болсон 2 тод жишээг бид бүхэн сайн мэдэх билээ. Танай төр засаг эдгээр эндэж болзошгүй эрсдэлийг эртлэн мэдэрснийг миний бие ойлгож та бидний өмнө тулгамдсан нэн чухал 3 асуудлыг дурьдахыг хүсч байна.

» Read more

Гадаадад амьдарч, ажиллаж буй иргэдийг 2011 оны 4 дүгээр сарын 1-нээс иргэдийн шинчилсэн бүртгэлд хамруулж эхэлнэ

Гадаадад амьдарч, ажиллаж буй иргэдийг иргэний шинэчилсэн бүртгэлд хамруулах тухай УБЕГ-ын Иргэний бүртгэлийн газрын дарга Д.Энхцэцэгийн ярилцлагыг доорхи холбоолтуудаас үзнэ үү.

Эхний хэсэг

Төгсгөл хэсэг

ЭЛЧИН САЙД УГСАРДАГ ТӨМӨР ГҮҮРНИЙ ҮЙЛДВЭРТ ЗОЧЛОВ

Монгол Улсаас ИБУИНВУ-д суугаа элчин сайд Б.Алтангэрэл Уэльс мужид байрлах Мабей бридж угсардаг төмөр гүүрний үйлдвэрт зочлов. Тус компани нь төмөр гүүр угсрах 150 жилийн түүхтэй бөгөөд богино хугацаанд, олон зориулалттай төмөр гүүр угсрах технологиор дэлхийд тэргүүлдэг.

Тус компани дэлхийн 115 оронд  янз бүрийн зориулалт бүхий урт, богино, хүнд, хөнгөн даацын угсардаг гүүрийг барьж ашиглалтад өгсөн туршлагатай бөгөөд мөн байгалийн гамшиг, цэргийн үйл ажиллагааны явцад хэрэглэх богино хугацааны төмөр гүүрийг ч барьдаг юм байна.

Гүүрийн урт, өргөн, даац, зориулалтаас шалтгаалан тус компаний 4 технологийг хөгжүүлж ирсэн бөгөөд 20 метрээс эхлээд 1 километр хүртэлх урттай гүүрийг маш богино хугацаанд барих, буулгах, барьсан гүүрийг буулгахгүйгээр даацыг нэмэгдүүлэх бололцоотой нь энэхүү технологийн гол онцлог юм байна. 80 хүртэлх метр гүүрийг ямар нэг тулгуур баганагүйгээр байгуулах бололцоотой нь энэхүү гүүрний бас нэг давуу тал юм байна.

Бүх бэлтгэл ажлыг урьчилан хангасан нөхцөлд 40 метр урттай 15 метр өргөнтэй төмөр гүүрийг 2 хоногийн дотор угсрах бололцоотой ажээ. Гүүрийн бүх эд ангиуд маш сайн чанарын гангаар, тусгайн технологийн дагуу үйлдвэрлэгддэг бөгөөд бат бэх чанар хангагдсан, цаг агаарын хүнд нөхцөлд тэсвэртэй, зэврэлт элэгдэлтээс хамгаалагдсан байх ба эд ангиуд нь 40 тоннын стандарт чингэлэгт багтахаар бүтээгдсэн байна. Онц байдал, байгалийн гамшгийн үед эвдэрч гэмтсэн дэд бүтцийн сүлжээг энэхүү гүүрийг ашиглан богино хугацаанд сэргээх боломжтой юм байна.

Монгол Улсын гадаад харилцааг эдийн засгийн агуулгаар баяжуулах, гадаад орнуудын тэргүүний технологийг судлах, нэвтрүүлэх зорилтын хүрээнд энэхүү угсардаг гүүрийг Монгол Улсад нийлүүлэх боломжийг судлан манай холбогдох яамтай ажиллаж байгаа болно.

АНГЛИЙН СУРАГЧИД ЛОНДОН ДАХЬ ЭСЯ-НД ЗОЧЛОВ

Парк Хаус ахлах сургуулийн захирал Д.Пийпл, сургуулийнхаа 3 багш, 8 сурагчийн хамтаар Лондон дахь Монгол Улсын ЭСЯ-нд 2 дугаар сарын 16-нд зочлов. Тус сургууль нь манай Олимпийн аварга, гавьяат тамирчин Э.Бадар-Ууганы суралцаж төгссөн 79 дүгээр сургуультай шейфийн холбоо тогтоон ажиллаж байгаа юм. Лондон хотноо 1 дүгээр сарын 14-19-нд болсон Британийн зөвлөл, БиБиСи-тэй хамтран хэрэгжүүлж буй “Дэлхийн Олимпийн мөрөөдөл” төслийн хүрээнд Улаанбаатар хотын 79 дүгээр сургуулийн төлөөлөгчид ирж оролцон энэ үеэр эдгээр сургуулийн хооронд шейфийн холбоо тогтоосон.

Элчин сайд Б.Алтангэрэл Парк Хаус сургуулийн сурагчдыг хүлээн авч уулзах үеэрээ: “Та бүхэн бол Монгол-Британийн харилцааны сайхан ирээдүй. Иргэд хоорондын харилцаа аливаа харилцаа, хамтын ажиллагааг илүү агуулгатай, ойр дотно болгодог учраас ЭСЯ-ны зүгээс ихээхэн ач холбогдол өгдөг юм. Лондонд болох Олимпийн тоглолтын үзэл санааг дэлгэрүүлэх, ард түмнүүдийн найрамдал нөхөрлөлийг бэхжүүлэх зорилгын дор манай 79 дүгээр сургууль болон Английн Парк Хаус сургууль хооронд харилцаа, холбоо эхэлж байгаа ч та бүхний ойр дотноо нөхөрлөл үүнээс урт удаан хугацаанд үргэлжилнэ гэдэгт итгэлтэй байна”  хэмээн онцлон тэмдэглэв.

Англи сурагчдыг ЭСЯ-нд зочлох үеэр хоёр сургуулийн хооронд интернет ярилцлага зохион байгуулав. 79 дүгээр сургуулийн захирал Д.Болд, багш Ц.Лхамсүрэн, сурагч Г.Амаржаргалан нар өнгөрсөн 1 дүгээр сард Англид ирснээсээ хойш англи шинэ найз нартай интернетээр дахин уулзсан нь сэтгэл хөдөлгөсөн үйл явдал боллоо. Интернет ярилцлагын үеэр хоёр сургуулийн төлөөлөгчид хамтын ажиллагааны хүрээнд сургууль бүрдээ зохион байгуулах арга хэмжээнүүдийн талаар санал солилцож ярилцахын зэрэгцээ интернет ярилцлагыг тогтмол зохион байгуулахаар тохиров.

Энэ дашрамд дээрх төсөл хөтөлбөрт 79 дүгээр сургуулийг хамруулж оролцуулах асуудлыг ЭСЯ-ны зүгээс өнгөрсөн жил санаачлан тал бүрийн дэмжлэгийг үзүүлж ажиллаж ирснийг тэмдэглэж байна

АНХААРУУЛГА

Манай иргэдийн олноор уншдаг  www.news.mn цахим мэдээний 2 дугаар сарын 7-ны өдрийн “Есөн монгол залуу хоригджээ”гэсэн нийтлэл үнэнд үл нийцэх мэдээлэл болохыг  Монгол Улсаас ИБУИНВУ-д суугаа ЭСЯ албан ёсоор мэдэгдэж  байна.
Уг мэдээг сурвалжлагч Д. Долгор гэх хүн бичсэн бөгөөд мэдээллийн сурвалжийг  Британи улсад суралцдаг оюутан Б.Буянбатаас авсныг дурджээ. ЭСЯ-наас Б.Буянбаттай холбогдож энэ тухай тодруулахад тэрбээр энэ төрлийн мэдээллийг ямар нэгэн хэвлэлд өгөөгүй болох нь нотлогдсон болно.
Гадаад харилцааны яамны Консулын газраас дээрх мэдээллийн дагуу 2 дугаар сарын 10-ны өдөр залруулга хийж байр сууриа илэрхийлсэн бөгөөд ИБУИНВУ-д сурч, амьдарч байгаа манай иргэд энэ төрлийн ташаа мэдээлэлд автахгүй байх, бодит мэдээллийг ЭСЯ-наас тодруулж байхыг энэ дашрамд зөвлөж байна.

ЭЛЧИН САЙДЫН ШИНЭ ЖИЛИЙН МЭНДЧИЛГЭЭ

Британи, Ирланд, Исландад амьдарч, ажиллаж, суралцаж буй нутаг нэгт нийт монголчууддаа ирж буй 2011 оны шинэ жилийн мэнд дэвшүүлж, шинэ ондоо та бүхний ажил үйлс өөдрөг байж, санасан зүйл тань сэтгэлчлэн бүтэж байхын өлзийтэй сайхан ерөөлийг дэвшүүлье.

Өнгөрч буй 2010 онд тус ЭСЯ Монгол Улсаас Британи, Ирланд Исландтай хоёр талын харилцаа, хамтын ажиллагааг хөгжүүлэхэд чиглэсэн олон арга хэмжээг хэрэгжүүлсэнээс гадна эдгээр улсад эх орноо сурталчлах, энд амьдарч буй монгол иргэдийнхээ эрх ашгийг хамгаалах, тэдэнд дэмжлэг үзүүлэхэд чиглэсэн дорвитой арга хэмжээнүүдийг хэрэгжүүллээ. Эдгээр арга хэмжээг амжилттай зохион байгуулахад хамтран ажиллаж, дэмжлэг үзүүлж ирсэн иргэд, байгууллагад чин сэтгэлийн талархал илэрхийлье.

Та бүхэнд эрүүл энх, аз жаргал, сайн сайхны бүхнийг хүсэн ерөөе.

МОНГОЛ УЛСААС ИБУИНВУ-Д СУУГАА ОНЦ БӨГӨӨД БҮРЭН ЭРХТ ЭЛЧИН САЙД      Б.АЛТАНГЭРЭЛ

 

“ЭХ ОРНЫХОО ХӨГЖИЛД – МИНИЙ ОРОЛЦОО” ЭССЭ БИЧЛЭГИЙН УРАЛДААН ЗАРЛАЖ БАЙНА

Монгол Улс тунхагласны 86 жилийн ойг угтан Монгол Улсын Ерөнхий сайдын дэргэдэх Хилийн чанадад амьдарч буй Монгол Улсын иргэдтэй хамтран ажиллах Зөвлөлөөс Монгол Улсын Боловсрол Соёл Шинжлэх Ухааны Яамтай хамтран хилийн чанадад суугаа монголчуудын дунд „Эх орныхоо хөгжилд – Миний оролцоо“ сэдэвт эссэ бичлэгийн уралдааныг зохион байгуулах гэж байна. Уралдаанд оролцох хүсэлтэй иргэд 10 дугаар сарын 26-ны өдрөөс 11 дүгээр сарын 22-ны өдөр хүртэлх хугацаанд цахим хэлбэрээр холбогдон оролцох боломжтой.

Онцлог: Хилийн чанадад амьдарч буй монголчуудын эх орныхоо хөгжил дэвшилд оюуны хөрөнгө оруулалт хийж, хувь нэмрээ оруулахаар гаргаж буй бүтээлч, шинэ санал санаачлагаа эссэ бичлэгээрээ дамжуулан төр засагтаа хүргэх боломжийг нээж өгч байгаа явдал юм.

Эссэ бичлэгт тавигдаж буй шаардлага:
Arial 12 фонтоор, А4 хэмжээтэй цаасан дээр. Үгийн тоо: 500-750.

Бүтээлийг 2010 оны 11 дүгээр сарын 22-ны 18.00 цаг хүртэл хүлээн авах бөгөөд 25 нас хүртэлх ба 25-аас дээш насны оролцогчид гэсэн хоёр ангиллаар шалгаруулах болно.

Уралдаанд ирсэн бүтээлүүд нь 11 дүгээр сарын 22-ноос 11 дүгээр сарын 25-ны өдрүүдэд www.cooperation.gov.mn вэбсайт дээр нээлттэй тавигдах бөгөөд вэбсайтад орсон уншигчид таалагдсан зохион бичлэгтээ саналаа өгснөөр уралдааны шагналтнуудыг шалгаруулна. Уралдааны дүнг 11 дүгээр сарын 26-ны өдөр мэдээлж, амжилттай оролцогсдыг тухайн улсад суугаа Монгол Улсын Элчин Сайдын Яам, Консулын газраар дамжуулан шагналыг гардуулна.

Шагналын сан:

  • Нэгдүгээр байр – 2 – Ерөнхий Сайдын өргөмжлөл, мөнгөн шагнал (500.000 төгрөг)
  • Хоёрдугаар байр – 2 – Өргөмжлөл, мөнгөн шагнал (250.000 төгрөг)
  • Гуравдугаар байр – 2 – Өргөмжлөл, мөнгөн шагнал (100.000 төгрөг)
  • Тусгай байр – 10 – Дурсгалын зүйл, мөнгөн шагнал (50.000 төгрөг)

Шалгарсан бүтээлүүдийг олон нийтийн хүртээл болгоно.

Эссэг доорх хаягаар хүлээж авна:

“ЭХ ОРНЫХОО ХӨГЖИЛД – МИНИЙ ОРОЛЦОО” сэдэвт эссэ бичлэгийн уралдаанд гэж хаяглан, бүртгэлийн анкетийн хамт
Монгол Улс
Улаанбаатар-12
Төрийн ордон
#195

хаягаар биечлэн хүргэх эсвэл
uranzaya@cabinet.gov.mn Энэ и-мэйл хаягийг спамнаас хамгаалж байгаа бөгөөд үзэхийн тулд JavaScript идэвхтэй байх хэрэгтэй.
narankhuu@cabinet.gov.mn Энэ и-мэйл хаягийг спамнаас хамгаалж байгаа бөгөөд үзэхийн тулд JavaScript идэвхтэй байх хэрэгтэй.
bilguun_g@cabinet.gov.mn Энэ и-мэйл хаягийг спамнаас хамгаалж байгаа бөгөөд үзэхийн тулд JavaScript идэвхтэй байх хэрэгтэй. цахим шуудангаар илгээх

Бүртгэлийн анкет

Лавлах утаc: +976-51-264077, +976-11-323401

Дэлгэрэнгүй мэдээллийг: www.cooperation.gov.mn авна уу.

ХЭВЛЭЛИЙН МЭДЭЭ

Монгол Улсын Шадар сайд, Лондон-2012 Олимпийн наадмын монголын багийн ахлагч М.Энхболд Британид ажлын айлчлалаар хүрэлцэн ирэв. Лондонгийн Олимпод оролцох монголын баг, тамирчдын бэлтгэлийг хангах асуудлаар британийн албаны хүмүүстэй уулзаж, үүнд британийн дэмжлэгийг авч, тодорхой тохиролцоонд хүрэх зорилгоор тэрбээр 10 дугаар сарын 19-22-нд тус улсад айлчилж байна.

Шадар сайд М.Энхболд 10 дугаар сарын 19-нд Британийн Спорт, олимпийн асуудал эрхэлсэн Төрийн сайд, парламентийн гишүүн Хью Робертсонтой Британийн Соёл, хэвлэл мэдээлэл, спортын яамны төв байранд уулзав. Уулзалтын үеэр Шадар сайд М.Энхболд Бээжин болсон Олимпийн наадамд манай баг тамирчид амжилттай оролцсныг дурдаад 2012 онд Лондонд болох Олимпийн наадам Монгол Улсын Засгийн газраас онцгой ач холбогдол өгч буйг тэмдэглэв. Тэрбээр цааш нь хэлэхдээ хөгжиж буй орнуудын баг тамирчдын бэлтгэлийн хангахад Британийн Засгийн газраас 25 мянган фунт стерлинг олгож буйд талархал илэрхийлж, цагийн зөрүү, байгаль цаг агаарт дасан зохицох зорилгоор британийн тамирчидтай хамтарсан бэлтгэл сургууль хийлгүүлэх нь тэдний амжилтын нэг гол үндэс байхыг тэмдэглээд энэ чиглэлээр британийн талаас дэмжлэг хүсч хамтран ажиллах хүсэлтэй буйгаа мэдэгдэв. Хью Робертсон Британид монголын төлөөлөгчдийг хүлээн авч буйдаа баяртайгаа байгаа хэмээгээд монголын талаас тавьж буй хүсэлтийг бүх талаар дэмжиж, өөрсдөөс хамаарах бүхнээ хийх болно гэдгээ илэрхийлэв.   » Read more

Шадар сайдын айлчлал үргэлжилж байна

Монгол Улсын Шадар сайд, Лондон-2012 Олимпийн наадмын монголын багийн ахлагч М.Энхболдын Британид хийж буй ажлын айлчлал үргэлжилж байна. Шадар сайд 10 дугаар сарын 21-нд Лондон-2012 Олимпийн наадмын зохион байгуулах хорооны үйл ажиллагаатай танилцав. Зохион байгуулах хорооны Ази, Европын орнуудыг хариуцсан зохицуулагч нар монголын төлөөлөгчдийг угтан авч олимпийн наадмын зохион байгуулалтын асуудлаар дэлгэрэнгүй танилцуулага хийж, төлөөлөгчдийн сонирхсон асуултад хариулав.

Энэ уулзалтын үеэр баг тамирчдын аюулгүй байдал, бэлтгэл хийх, амьдрах орчин нөхцөл,  тэмцээний тасалбарын борлуулалт, олимпийн наадмын уралдаан, тэмцээнүүд болох ордон, хуваарь, өндөр түвшний зочдын айлчлалын зохион байгуулалт зэрэг өргөн хүрээтэй асуудлаар харилцан санал солилцсон нь энэхүү наадамд амжилттай оролцох нэг үндэс болно гэдгийг талууд онцлон тэмдэглэж байв.

Олимпийн тоглолтын өмнөх бэлтгэл, тамирчдын байрлах байр сууц, дэд бүтэц, тээвэр, зохион байгуулалтын асуудалд манай тал онцгой анхаарал хандуулж байгаагаа Шадар сайд М.Энхболд тэмдэглээд зохион байгуулах хорооны ажилд амжилт хүсэхийн зэрэгцээ монголын баг, тамирчид Лондонгийн олимпийн наадамд урдах амжилтаа бататган, ахиулах эрмэлзэл дүүрэн байгааг илэрхийлэв.

Мөн энэ өдөр төлөөлөгчид Лондонгийн олимпийн наадмын жудо, чөлөөт бөх, бокс, хүндийг өргөлт, буудлагын тэмцээнүүд болох спортын орднуудтай танилцаж, олимпийн паркад зочилов. Олимпийн барилга байгууламжууд, дэд бүтэц, тээвэр, байр сууцны асуудлыг цаг хугацаанд нь, чанартай, оновчтойгоор шийдвэрлэхээр чармайн ажиллаж байгаагаа зохион байгуулагч тал мэдээлэв.

Мөн энэ үеэр Монголын талын төлөөлөгчид Лондонгийн Параолимпийн наадмын бэлтгэл ажлын талаар зохион байгуулагч талтай өргөн хүрээнд санал солилцов.

Шадар сайд М.Энхболд Лондон-2012 олимпийн наадамд амжилттай оролцох гол үндэс бол бэлтгэл сургуулилтыг чанартай хийх, зохион байгуулалтын өндөр түвшинд бэлтгэж оролцохын чухлыг тэмдэглэж байв.

МОНГОЛ УЛСААС ИБУИНВУ-Д
СУУГАА ЭЛЧИН САЙДЫН ЯАМ
2010 оны 10 дугаар сарын 21

1 19 20 21 22 23 25