БРИТАНИД ОРШИН СУУГАА МОНГОЛ ИРГЭДИЙН АНХААРАЛД

Британид “COVID-19” цар тахлын эсрэг вакциныг өрхийн эмнэлгээр дамжуулан үнэ төлбөргүй хийж байгаа тул тус улсад хууль бусаар оршин сууж буй гадаадын иргэдийг ч өрхийн эмнэлэгт хандан вакцинд хамрагдахыг уриалсан байна. Вакцин хийлгэхээр ирсэн иргэдээс виз, визийн хүчинтэй хугацааг шаардахгүй юм байна.

БРИТАНИ, ИРЛАНДАД ОРШИН СУУГАА ЭХЧҮҮДИЙН АНХААРАЛД

Британи, Ирландад оршин суугаа “Алдарт эх”-ийн I, II зэргийн одон авах болзлыг хангасан эхчүүд 2021 оны 3 дугаар сарын 01-ны өдрийн дотор дараах материалуудыг бүрдүүлэн ЭСЯ-ны consul@embassyofmongolia.co.uk цахим хаягаар ирүүлнэ үү.

 

  1. Өргөдөл (Монгол Улсын Ерөнхийлөгчид хандсан);
  2. Эхийн иргэний үнэмлэхний хуулбар;
  3. Хүүхдүүдийн төрсний гэрчилгээ, иргэний үнэмлэхний хуулбар;
  4. Хүүхэд үрчилж авсан бол үрчлэлтийн гэрчилгээ эсвэл хүүхэд үрчилсэн тухай архивын лавлагаа (хүүхдийг заавал 3 наснаас өмнө үрчилж авсан байх ёстой);
  5. Анкетын маягтыг дараах холбоосоор нэвтрэн татаж авна уу.

 

https://drive.google.com/file/d/1tD4c3IHVGegbghvnxZ37gAql-GVOYZgw/view

АЗИ, НОМХОН ДАЛАЙН ХУДАЛДААНЫ ХЭЛЭЛЦЭЭР

Монгол Улс 2020 оны 09 сард “Ази, Номхон далайн худалдааны хэлэлцээр”-т нэгдсэнээр, тус хэлэлцээрийн 7 дахь гишүүн болсон бөгөөд 2021 оны 01 сарын 01-нээс хэлэлцээрийг хэрэгжүүлж эхэллээ.

“Ази, Номхон далайн худалдааны хэлэлцээр”-т Монгол Улсаас гадна Бүгд Найрамдах Хятад Ард Улс,Бүгд Найрамдах Солонгос Улс, Бүгд Найрамдах Энэтхэг Улс,Бүгд Найрамдах Ардчилсан Лаос Ард Улс,Бүгд Найрамдах Бангладеш Улс, Бүгд Найрамдах Ардчилсан Социалист Шри Ланка Улс зэрэг бүс нутгийн хөгжиж буй 6 улс нэгдсэн.
Тус хэлэлцээрт Монгол Улс нэгдсэнээр үндэсний үйлдвэрлэгчид хэлэлцээрийн гишүүн 6 орны зах зээлд 10,000 гаруй нэр төрлийн бүтээгдэхүүнд татварын 5%-100% хөнгөлөлт эдлэх боломжтой болов.

Та бүхэн илүү дэлгэрэнгүй мэдээлэл авах бол доорхи линкүүдээр орж сонирхоно уу.

Холбогдох линк: http://www.mfa.gov.mn/?page_id=52702 (Монгол хэлээр)

Related link: https://www.unescap.org/apta (English version)

Нэр Видео линк
1 Ерөнхий танилцуулга /урт/ https://youtu.be/jrpU76rK1pE
2 АРТА гол зорилго https://youtu.be/FZF6WMYKCSU
3 Гишүүн орнууд https://youtu.be/if3ICtRW0Z0
4 Гишүүн орнууд /богино/ https://youtu.be/Wca5EAvVG5c
5 Хятад https://youtu.be/l7gFRB-0RWI
6 Өмнөд Солонгос https://youtu.be/zazpAAzuWHo
7 Энэтхэг https://youtu.be/h6D_XF3EaZE
8 Лаос https://youtu.be/a4-CNltvBd0
9 Бангладеш https://youtu.be/ztwVg8tC0nc
10 Шри Ланка https://youtu.be/Og2yVJv-tlE
11 МУ-ын үүрэг https://youtu.be/4ZWn9I9RHNQ
12 Ач холбогдол 1 https://youtu.be/JI4iro3bsRU
13 Ач холбогдол 2 https://youtu.be/8qmpgHhI46o
14 GSP+ https://youtu.be/EPJBGIhd0HU

 

ГАМШГААС ХАМГААЛАХ ӨНДӨРЖҮҮЛСЭН БЭЛЭН БАЙДЛЫН ЗЭРЭГТ ХЭСЭГЧЛЭН ШИЛЖҮҮЛСЭН ХУГАЦААГ СУНГАХ ТУХАЙ

КОВИД-19 цар тахлаас урьдчилан сэргийлэх зорилгоор Монгол Улсын Засгийн газар орон даяар зарласан өндөржүүлсэн бэлэн байдлын зэрэгт хэсэгчлэн шилжүүлсэн хугацаа болон Монгол Улсын хилийн бүх боомтоор нэвтрэх зорчигч тээврийн хөдөлгөөний хязгаарлалтыг 2021 оны 3 дугаар сарын 31-ний өдрийг хүртэл сунгасан болно.

МОНГОЛ ОРНЫ ХӨГЖИЛД XVI ЧУУЛГА УУЛЗАЛТ ЗОХИОН БАЙГУУЛАГДАВ

 

Британи дахь Монголчуудын холбоо, Монгол Улсаас ИБУИНХУ-д суугаа ЭСЯ болон МУИС-тай хамтран хилийн чанад дахь Монголчуудын эх орныхоо хөгжил дэвшилд хувь нэмрээ оруулах зорилготой “Монгол орны хөгжилд” XVI чуулга уулзалтыг 2020 оны 12 дугаар сарын 5–6-ны өдрүүдэд цахим хэлбэрээр зохион байгуулав.

Чуулга уулзалтад Монгол, Австрали, Англи, АНУ, Герман, Швед, Өмнөд Солонгос, Бельги, Ирланд, Итали, Польш, Унгар, Япон зэрэг орнуудад оршин суугаа 300 орчим иргэд идэвхтэй оролцож, “Соёлын бүтээлч үйлдвэрлэл ба тогтвортой хөгжил”, “Уул уурхай ба тогтвортой хөгжил”, “Дээд боловсрол ба тогтвортой хөгжил” гэсэн 3 сэдвээр санал бодлоо хуваалцаж, нээлттэй хэлэлцэв.

Гадаад харилцааны сайд Н.Энхтайван чуулга уулзалтад оролцогчдод амжилт хүсэн мэндчилгээ дэвшүүлэв. Тэрээр хэлсэн үгэндээ хилийн чанадад сурч, ажиллаж, амьдарч буй монгол иргэдэд чиглэсэн төр, засгаас хэрэгжүүлж буй бодлого, арга хэмжээний талаар мэдээлэв. Түүнчлэн, “Дэлхийн Монголчууд II” хөтөлбөрийг гаргахаар ажиллаж байгааг танилцуулав.

Монгол Улсаас ИБУИНХУ-д суугаа Элчин сайд Н.Тулга чуулга уулзалтыг нээж үг хэлэхдээ Лондон хотноо 2020 оны 5 дугаар сард чуулга уулзалтыг зохион байгуулахаар төлөвлөж байсан ч “COVID-19” цар тахлын улмаас хойшлогдсоор ийнхүү цахим хэлбэрээр хийж байгааг дурдан 17 зорилго бүхий 2030 он хүртэлх Дэлхийн Тогтвортой хөгжлийн хөтөлбөрийг танилцуулж, манай улсын “Алсын хараа–2050” урт хугацааны бодлого болоод Монгол Улсын Тогтвортой хөгжлийн үзэл баримтлал 2030-д чиглэсэн тогтвортой хөгжлийн зарим асуудлуудыг энэ удаагийн чуулганаар хэлэлцэж байгааг олзуурхан хүлээн авч, сэтгэл ханамжтай байгаагаа илэрхийлэв.

СЭРЭМЖЛҮҮЛЭГ

Энэ сарын эхээр Бүгд Найрамдах Франц Улс болон Бүгд Найрамдах Австри Улсад болсон террорист халдлагын улмаас олон хүний амь эрсэдсэн билээ. Энэ нь Европт террорист үйл ажиллагаа идэвхжиж байгааг илтгэлээ. Дэлхий нийтийг хамарсан Ковид-19 цар тахлын энэ үед ISIS буюу ДАЕШ зэрэг террорист бүлэглэл, этгээдийн зүгээс террорист халдлага, хүчирхийлэл шууд үйлдэх явдал хэдийгээр цөөрсөн ч тэдний зүгээс олон нийтэд радикал, экстремист үзэл суртлыг сурталчлах, нийгэмд худал мэдээлэл тараах, аливаа тэмцэлд өдөөн турхирах зэрэг үйл ажиллагааг түлхүү явуулах болж, хэт радикал үзэлд автсан иргэд тээврийн хэрэгсэл, галт болон хүйтэн зэвсэг ашиглаж халдлага, хүчирхийлэл үйлдэх арга хэлбэрт шилжиж байна.

Эдгээр нөхцөл байдалтай холбогдуулж Британи болон Европын Холбооны улс орнууд терроризмын аюулын түвшинг нэмэгдүүлж, терроризмтой тэмцэх, урьдчилан сэргийлэх чиглэлээр тодорхой арга хэмжээг шат дараатай авч хэрэгжүүлж, хяналт шалгалтын дэглэмийг сайжруулан ажиллаж байна.

Иймд Британи болон Ирландад оршин суугаа Иргэн та хүн олноор цугласан болон жагсаал, цуглаан хийж буй газруудаар явахгүй байж, өөрийн болон ойр дотны хүмүүсийнхээ аюулгүй байдалд онцгой анхаарч, аливаа эрсдэл, халдлага, хүчирхийлэлд өртөхөөс сэргийлж, сонор сэрэмжтэй байхыг зөвлөе.

ЭЛЧИН САЙДЫН ЯАМ

ШУУРХАЙ МЭДЭЭ

Энэ оны 11 дүгээр сарын 19-ний өдөр Франкфурт-Улаанбаатарын чиглэлд үйлдэхээр төлөвлөж байсан тусгай үүргийн нислэгийг цуцалсан гэж Монгол Улсын Шадар сайд, УОК-ын дарга Я.Содбаатар мэдэгдлээ.

Иймд тус нислэгт хамрагдах болсон байсан иргэд нислэгийн тийз болон бусад захиалгаа цуцлахыг анхаарна уу.

Нислэгийн тийз болон тусгаарлах байрны төлбөрийн буцаалттай холбоотой асуудлаар холбогдох байгууллагуудтай нь харилцахыг зөвлөж байна.

Тусгай үүргийн нислэгтэй холбоотой шинэ мэдээ мэдээлэл ирсэн даруйд бид Та бүхэнд шуурхай мэдээлж байх болно.

ЛОНДОН ДАХЬ ЭСЯ

ЭЛЧИН САЙД Н.ТУЛГА КЭМБРИЖИЙН ИХ СУРГУУЛИЙН ПАРКЕР НОМЫН САНД АЖИЛЛАВ

“Чингис хаан” монгол хаадын музей байгуулах, тус музейн үзмэрийн санг бүрдүүлэх Засгийн газрын шийдвэрийг хэрэгжүүлэх ажлын хүрээнд Элчин сайд Н.Тулга энэ оны 11 дүгээр сарын 4-ний өдөр Кэмбрижийн их сургуульд зочилж, Корпус Христи коллежийн захирал Профессор Кристофер Келли, Паркер номын сангийн эрхлэгч Доктор Филиппа Хоскин, Монгол болон Өвөр Ази судлалын төвийн захирал Профессор Дэвид Снит нартай уулзалт хийв.

Уулзалтын үеэр Паркер номын санд хадгалагдаж буй Уильям Рубрукийн аялал болон Жон де Плано Карпинигийн аяллын тэмдэглэлийг үзэж сонирхон, эдгээр Монголын түүх, өв соёлд хамаарах түүхэн баримт, эх сурвалжуудыг хуулбарлан авч, “Чингис хаан” монгол хаадын музейд байршуулах боломжийн талаар ярилцав. Түүнчлэн Паркер номын сангийн зүгээс манай улсын Засгийн газарт тэмдэглэлүүдийн албан ёсны хуулбарын өмчлөх эрхийг баталгаажуулж өгөхөө мэдэгдээд байна.

Паркер номын сан нь Кэмбрижийн их сургуулийн өв соёлын хамгийн том баялаг бөгөөд дундад зууны болон сэргэн мандалтын үеийн гар бичмэл, номын чухал цуглуулгыг хадгалдаг Европ дахь хамгийн чухал номын сангуудын нэг юм.

 

ГАМШГААС ХАМГААЛАХ ӨНДӨРЖҮҮЛСЭН БЭЛЭН БАЙДЛЫН ЗЭРЭГТ ХЭСЭГЧЛЭН ШИЛЖҮҮЛСЭН ХУГАЦААГ СУНГАХ ТУХАЙ

КОВИД-19 цар тахлаас урьдчилан сэргийлэх зорилгоор Монгол Улсын Засгийн газар орон даяар зарласан өндөржүүлсэн бэлэн байдлын зэрэгт хэсэгчлэн шилжсэн хугацаа болон Монгол Улсын хилийн бүх боомтоор нэвтрэх зорчигч тээврийн хөдөлгөөний хязгаарлалтыг энэ оны 10 дугаар сарын 31-ний өдрийг хүртэл сунгасан болно.

Мөн түүнчлэн, хилийн чанадаас Монгол Улсад ирэх зорчигчид 21 хоног тусгаарлагдах бөгөөд тусгаарлагдсаны дараа 14 хоног гэрийн ажиглалтад байх горимыг цуцалсан болно.

ЗАРЛАЛ

Тус ЭСЯ нь Төрийн болон орон нутгийн өмчийн тухай хуулийн 16.2-н дагуу ашиглалтын хугацаа дуусгавар болсон дараах эд хөрөнгийг худалдан борлуулах тул сонирхсон хувь хүн, албан байгууллага доорх утсаар холбогдоно уу.

Хаяг: 8 Kensington Court, London, W8 5DL, Embassy of Mongolia

Холбоо барих: 07851662899 Т.Сэлэнгэ (Даваа-Баасан, 9:00-18:00)

 

ХУДАЛДАН БОРЛУУЛАХ ЭД ХӨРӨНГИЙН ЖАГСААЛТ

 

Хөрөнгийн нэр Тоо хэмжээ Ашиглалтад орсон огноо  
1 Тавиур номын цагаан өндөр 1 2008.01.01
2 Тавиур хавтан 2 2008.01.01
3 Асаагуур 1 1965.01.01
4 Тамхины сав 2 1965.01.01
5 Сейф 1 2008.01.01
6 Хивс Алтанбулаг 1 2009.01.01
7 Хивс Алтанбулаг 1 2009.01.01
8 Хивс Алтанбулаг 1 2009.01.01
9 Хивс Хүннү 1 2008.01.01
10 Халуун тогоо 1 том тогоотой 1 2009.01.01
11 Халуун тогоо 3 жижиг тогоотой 1 2009.01.01
12 Принтер HP 1 2013.05.02
13 Ширээ ажлын шургуулгын хамт 1 2011.08.04
14 ACER Laptop 1 2015.12.28
15 Принтер HP MFP M2770D W 1 2015.12.26
16 Принтер HP MFP M2770D W 1 2015.12.27
17 Процессор Lenovo 1 2014.12.01
18 Процессор Lenovo H30-50 1 2015.12.28
19 Процессор Lenovo H30-50 1 2015.12.28
20 Процессор Think Station, Дэлгэц Packard 1 2014.12.29
21 Дэлгэц ACER S271HLC/D 1 2015.12.28
22 Дэлгэц ACER S271HLC/D 1 2015.12.28
23 Зурагт Samsung plasma 43 1 2012.11.01
24 Зурагт Sony 50w829 1 2014.12.29
25 Плитка Bush 1 2014.10.21
26 Хөлдөөгч Zanussi цагаан 1 2014.12.29
27 Хөргөгч 2 хаалгатай 1 2011.01.28
28 Хөргөгч Logik жижиг 1 2015.11.27
29 Плитка, агаар сорогч 1 2013.06.01
1 2 3 27